DILI, STLNEWS.co – Vitima dezastre naturais neebe anin sobu uma rua nolu resin hat iha Suku Zulo, Postu Administrativu Zumalai, Munisipiu Kovalima, too agora seidauk hetan apoiu material husi governu.
Tuir Xefi Suku Zulo, Postu Administrativu Zumalai, Munisipiu Kovalima, Joao Lopes de Carvalho, ba STL liu husi telefone, Kuarta nee (05/4/2023).
“fos, mina, sardina no sabaun, nee hetan tiha ona, maibe uma komunidade nian neebe hetan estragus nee too agora seidauk hetan buat ruma, liu-liu konaba material too agora la hetan, atu tama fulan rua ona, akontesimentu nee iha fulan Janeiru, tanba uma kain 24 nee hetan estrafus grave hotu,” dehan Joao.
Joao dehan, uma 24 neebe hetan estragus balun iha Zulo Knua no rua seluk iha Zumalai Vila, maski Xefi Suku hatama ona proposta ba governu, maibe too ohin loron vitima sira seidauk hetan buat ruma.
“Hau halo karta ona, hanesan ohin akontese halo verifikasaun dadus kompletu, ninia rezultadu laiha, too agora sira nain rasik sobu fali kalen aat sira nee hadia fila fali,” tenik nia.
(jac)
