LAUTEM, STLNEWS.co – Prezidente Partidu CNRT, Kay Rala Xanana Gusmão, apela ba kuadru no militante sira husi estrutura nasional too baze atu kontinua hadomi pas, hametin estabilidade, no halo servisu neebe tenki tau aas interese nasional, nunee bele servi partidu ho diak no lori moris diak ba povu ho nasaun.
Mensajen motivasaun Kay Rala Xanana Gusmão nee hatutan direta husi Sekretariu Jeral CNRT, Francisco Kalbuadi Lay, durante partisipa iha serimonia agradesimentu ba vitoria eleisaun prezidensial no abertura konsolidasaun iha salaun Gedung Olah Raga (GOR), Aldeia Nakroman, Suku Fuiluro, Postu Administrativu Lospalos Vila, Munisipiu Lautem, Domingu horiseik (31/07/2022).
Sekretariu Jeral CNRT, Francisco Kalbuadi Lay afirma, atu hadia rai ida nee presiza lideransa ida neebe mak forti, hanesan lider nasionál Kay Rala Xanana no atual Prezidente Repúblika, José Ramos-Horta.
Kontinua ba pajina 2
