Xanana Husu Juventude Kontra COVID-19

Lider Karismatiku Kay Rala Xanana Gusmão husu ba juventude iha teritoriu Timor Leste (TL) laran tomak,tenke disiplina hodi kontra virus Corona (COVID-19). (Photo: STL News/Joseph Koa)

OESILO, STLNEWS.co – Lider Karismatiku Kay Rala Xanana Gusmão husu ba juventude iha teritoriu Timor Leste (TL) laran tomak,tenke disiplina hodi kontra virus Corona (COVID-19).

Informasaun ne’e hato’o husi aman domin nain Timor Leste, Kay Rala Xanana Gusmão wainhira lori misaun COVID-19 ba povu Usi Tasae, iha Igreja Misionaria Santo Antonio Oelmambai, hafoin partisipa Misa Agradesimento Padre foun, Pe. Eugenio Redentor Marques Caunan Lagu, Sabadu, (22/8/2020).

“Hau fiar imi povu Tumin, Qiubiselo no populasaun tomak iha fronteira, maibe susar atu fiar ita ona tanba ita abitua ona ho jalan tikus hodi halao negosiu Illegal, tanba ne’e hau husu atu ita boot sira tenke iha kooperasaun, servisu hamutuk liu-liu joven sira, atu hanoin konaba ferik katuas sira ne’ebé kondisaun saúde fraku tebes ona ne’e atu labele hadaet moras COVID-19,” dehan nia.

Juventude sira ne’ebé ohin mai tuur iha ne’e, labele haluha katak, ho katuas no ferik sira nia sakrifisiu, ho sira nia terus iha tinan 24 nia laran, sira maka duni sai inimigu husi rai Timor.

“Ita louva katuas ho ferik sira hanesan heroi, ita louva martires sira, ita hakruuk ba sira, karik sira la liberta ita nia rai, ho sira nia sakrifisiu ho isin lolon tomak hodi liberta ita nia rai, sai hanesan ezemplu diak ba ita atu kontinua ferik no katuas sira nia sakrifisiu. Hau hakarak fo hatene ba joven sira, laos FALINTIL mak duni inimigu ho kilat, sira nia funu ita respeita, maibe atu duni inimigu sai husi Timor maka ho pregu iha loron konsulta popular 30 de Agusto 1999,” dehan nia.

Kontinua ba pagina 2

LEAVE A REPLY

Please enter your comment!
Please enter your name here