Xanana Triste Illegal Crossings Buras iha Oecusse

Lider Karismatiku Kay Rala Xanana Gusmão koalia namanas hela konaba moras COVID-19, ema kontinua tama ilegal liu husi fronteira Oecusse. (Photo: STL News/Joseph Koa)

OESILO, STLNEWS.co – Lider Karismatiku Kay Rala Xanana Gusmão koalia namanas hela konaba moras COVID-19, ema kontinua tama ilegal liu husi fronteira Oecusse. Realidade iha loron Kuarta kalan koalia iha Aldeia Saben suku Bobometo, feto 2 tama ilegal. Koalia iha Aldeia Qiubiselo, ema nain 3 tama tan liu husi dalan ilegal iha oras meudia 12:46 oras Timor Leste, Sesta (21/08/2020).

Ema nain tolu tama tan mai Oecusse liu husi fronteira Saben, realidade populasaun iha Aldeia Saben hela besik lina fronteira lato’o metre 100 no populasaun sira husi Indonezia halo toos besik kedan area fronteira, maske nune’e sira laiha problema ba malu desde uluk kedan. Ohin loron, moras corona sai kestaun ba sira tanba ema aproveita Aldeia Saben hodi tama mai Oecusse.

“Hau simu novidade ne’e husi UPF, hau triste tanba ita koalia namanas hela konaba moras covid, ema la preokupa kontinua tama, ida ne’e sira hakarak oho hotu povu Oecusse ho virus corona. Hau simu tan informasaun husi Unidade Polisia Fronteira (UPF) Oecusse katak sira foin kaer tan ema Timor oan nain 3 husi Indonezia tama Oecusse liu husi fronteira Oesilo Aldeia Saben. Hau sente triste tanba ita halao misaun Covid-19, ema kontinua tama mai Timor lori moras mai ita atu povu Oecusse mate hotu,” dehan Xanana bainhira halao misaun Covid-19 ba povu Suku Qiubiselo Aldeia Faotbasin, Sesta (21/8/2020).

Sidadaun Timor oan nain rua ho sira nia oan tama ilegal, liu husi fronteira Oesilo Aldeia Saben. Hetan kapturasaun husi membru UPF iha fronteira Oesilo, Sesta (21/8/2020)

Nia dehan, estadu desidi taka fronteira mak ema abuza hodi kontinua tama ilegal, hatudu katak povu sei mate hanesan nehek, ida ne’e mak bolu Xanana atu esplika klean konaba moras covid.

Iha vizita kontinuasaun ne’e, Xanana ho misaun covid iha Aldeia Qiubiselo suku Bobometo, povu suku ida ne’e simu Xanana ho serimonia kultural hanesan hatais tais motif Qiubiselo, tara tais, simu ho lia dadoli no dansa kultural Bso’ot, dansa modernu husi labarik sira hodi akompania Xanana to’o fatin serimonia ho alegria no nakonu ho domin.

Kontinua ba pagina 2

LEAVE A REPLY

Please enter your comment!
Please enter your name here