Xefe Aldeia Zulo Husu Koopera Ho Xefe Suku

DILI, STLNEWS.co – Xefe Suku Zulo, Postu Administrativu Zumalai, Munisipiu Covalima, João Lopes de Carvalho husu ba Xefe Aldeia haat iha suku Zulo, atu koopera ho Xefe Suku, karik iha ema oin foun ruma mosu iha sira nia aldeia.

“Hau atu fo informasaun ba ita nian komunidade sira iha Suku Zulo, Postu Administrativu Zumalai, Munisipiu Covalima, tanba Suku Zulo kompostu iha aldeia haat, husu nafatin ba maluk intelektual no komunidade iha suku Zulo katak, maske ita nian atividades lao normal ona, maibe ita hotu tenke kumpre nafatin regras husi OMS ninia, nomos labele haluha lao ba mai tenke uza nafatin maskra, katak agora dadaun situasaun iha Suku Zulo, neebe kompostu husi aldeia haat, agora dadaun movimentu komunidade sira nian lao hanesan bai-bain, maibe nuudar autoridade lokal, sempre husu ba komunidade sira, tenke kumpre nafatin distansiamentu sosial,” dehan João ba STL liu husi telefone, Segunda (29/03/2021).

Nia husu ba komunidade iha aldeia haat, neebe mak iha Suku Zulo, karik ema oin foun ruma tama iha aldeia ou bairru sira nee, husu atu koopera ho xefe suku, liu-liu OPS suku ninia.

“Too agora atividades sira iha Suku Zulo lao normal hanesan bai-bain, total populasaun iha aldeia haat hanesan Aldeia Lale, Leogol, Obuk Mil, no Zulo hamutuk rihun rua atus hitu ualu nolu resin sia (2.789), nee tantu feto no mane. Hau hanoin ita tenke koopera malu, tanba se ema oin foun ruma mosu iha ita nian bairru laran, ita tenke koopera malu nafatin, tanba ita hatene katak, agora dadaun ita sei hasoru hela moras Covid-19 iha ita nian rai laran, ho ida nee, ita nafatin koopera malu,” dehan nia.

João dehan, husu ba komunidade sira, liu-liu iha Suku Zulo, aldeia haat neebe mak ohin temi ona, sira tenke kumpre nafatin, bele halao sira nian atividades, maibe nafatin kumpre regras ba Covid-19 nian neebe mak iha, ho ida nee ema hotu tenke kumpre, hanesan autoridade lokal, nafatin fo hanoin ba ninia komunidade isra.

“Hau sempre fo hanoin bebeik ba hau nian komunidade sira katak, karik ita boot sira atu sai ba fatin ruma, tenke uza nafatin maskra, maske ita nian atividades hotu lao normal ona, maibe ema ida-idak tenke kumpre nafatin regras sira nee, tanba agora dadaun numeru pozitivu ba Covid-19 kada loron kontinua sei aumenta bebeik deit,” dehan nia.

Nunee mos, Natalino Lopes, hanesan komunidade Suku Zulo dehan, atividades hahu lao normal, maibe sai ba fatin publiku ruma, tenke uza nafatin maskra, fase liman antes haan buat ruma, tanba numeru pozitivu aumenta nafatin.

“Iha nee atividades sira lao hanesan bai-bain ona, maibe ita hotu nafatin kumpre regras sira neebe mak iha, para bele prevene an husi moras ida nee,” katak nia.*

Reportajen: Jacinta Sequeira/Blandina Mauno
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Kondutor Kestiona Ema Menus Sosa Rai Henek

DILI, STLNEWS.co - Kondutor hirak neebe lori kareta baskulante, neebe iha area Fomentu, sira kestiona kada loron ema sosa rai henek menus hela deit. "Kada...

Krime VD No Kontra Bandu Aas Iha TDS

DILI, STLNEWS.co - Tribunal Distrital Suai, rejistu krime neebe kada loron julga barak liu maka krime violensia domestika (VD) ho forma ofensa integridade fisika...

Konfinamentu Domisiliariu, Misa Kontinua Suspende

DILI, STLNEWS.co - Reuniaun Konsellu Ministru neebe mak foin lalais deside atu hanaruk konfinamentu domisiliariu, nunee husi Arquidiocese Metropolitana Dili Dom Virgilio Do Carmo...
%d bloggers like this: