Xefe Suku Afaça Preokupa Estrada

BAUCAU, STLNEWS.co – Xefe Suku Afaça preokupa ho oitavu governu, tanba estrada diresaun husi Postu Administrativu Laga ba suku Afaça to’o ohin loron seidauk realiza.

Kestaun nee hato’o husi Xefe Suku Afaça, Joaquim Fernandes Ximenes ba STL, iha nia rezidensia Baucau, Kuarta nee (06/10/2021).

“2019 pandemia kona iha Timor, ami preokupa ho oitavu governu, tanba kestaun boot mak orsamentu ba kapital dezenvolvimentu hotu laiha, no estrada mos seidauk halo,” dehan Joaquim.

Nia hatutan, oitavu governu neebe mak lidera husi Primeiru Ministru Taur Matan Ruak, ho nia programa mak Serka Sanitaria (SS), Konfinamentu Obrigatoriu (KO), nee mak programa durante lao tinan tolu fulan ualu, hela deit tinan ida fulan rua, nafatin preokupa ho dezenvolvimentu, setor hotu – hotu la lao ba oin.

“Iha dokumentus laran nee tau aspal no iha Samaguia tau ponte, tuir loloos ramata ona, tanba tinan 2019 tau ona orsamentu,” akresenta nia.

Joaquim haktuir, bainhira governu preparadu orsamentu iha tinan 2019, atu realiza projetu estrada husi diresaun Laga ba Suku Afaça KAFI mos preparadu ona, maibe labele realiza, tanba politika Ministeriu Obras Publika (MOP) no Prezidente Konsellu Ministru nia desizaun mak to’o ohin ohin loron seidauk realiza.

Iha fatin ketak, Komunidade Amandio Ximenes hatete, bainhira iha tempu kampana, partidu politiku sira ho programa kampana, koalia mesak konaba dezenvolvimentu, liu – liu suku sira neebe mak sei preokupa ba infrastrutura bazika, maibe bainhira to’o manan iha eleisaun sai ukun nain, haluhan rasik programa neebe mak sira uza hodi halo kampana nee.

“Dala barak koalia mak konaba dezenvolvimentu iha programa kampana, maibe koalia hanesan atrai deit ema nia laran hodi manan iha eleisaun, maibe manan tiha haluhan ona,” tenik nia.

Amandio mos preokupa ho estrada diresau husi Postu Administrativu Laga ba Suku Afaça, tanba dadaun nee kondisaun estrada refere la diak, nunee, nia mos husu ba ukun nain lalika haree deit ba proposta, maibe haree mos preokupasaun komunidade nian, liu husi Xefe Suku hato’o ona ba governu, ami husu atu tau netik ba iha konsiderasaun.*

Reportajen: Tomas Reis

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Vasina Pfizer Importante Ba Labarik Sira

DILI, STLNEWS.co – Tuir Ministra Saude Odete Maria Freitas Belo dehan, labarik sira presiza simu vasina Pfizer nee, tanba importante tebes hodi bele prevene moras...

Update Covid-19 TL 27 Outubru: Kazu Pozitivu 7 & Rekuperadu Nain 3

DILI, STLNEWS.co – Ohin loron 27 fulan Outubru tinan 2021, liu husi Centro Integrado Gestão de Crises, Sala Situação (CIGC-SS) rejistu tan kazu konfirmadu...

Estudante ESJ Simu Ona Vasina Pfizer

DILI, STLNEWS.co – Eskola Ensinu Sekundariu Jeral (ESJ) 4 Setembru simu ona vasina Pfizer ba doze primeiru, atu nunee bele halo prevensaun ba Covid-19. Informa...