Xefe Suku Ostiku Husu A.UFD Kontinua Eleva Feto

BAUCAU, STLNEWS.co – Xefe Suku Ostiku Policarpo da Silva husu ba Asosiasaun Unidade Feto ba Dezenvolvimentu (A.UFD), kontinua eleva feto maluk sira neebe mak kria ona grupu kiik sira iha baze, tanba tempu ida nee, feto mos bele rezolve ekonomia uma laran.

Lia hirak nee, nia hato’o ba STL iha rezidensia Grupu HAMALALE, bainhira partisipa iha asismentu husi A.UFD iha Suku Ostiku, Kinta nee (30/09/2021).

“A.UFD iha esperiénsia neebe luar biasa, tuir hau nia haree, hau espera katak sira bele hamriik iha feto sira neebe mak, agora sira hamriik ona,” dehan Xefe Suku nee.

Nia hatutan, iha tempu uluk mane deit mak bele rezolve ekonomia uma laran, maibe iha tempu ida nee, feto barak mak iha ona kapasidade liu fali mane sira.

Xefe Suku Ostico hatete, Grupu HAMALALE neebe lidera husi feto, nia parte konsidera, kapasidade husi grupu HAMALALE liu fali mane sira nia kapasidade, tanba dadaun nee, feto sira husi grupu HAMALALE iha inisitiva rasik hodi hamriik mesak.

Iha fatin hanesan, Programa Manager A.UFD Lourenço Zacarias Pinto hateten, A.UFD hanesan mahon ba grupu HAMELALE, sei esforsu nafatin apoiu, fo asistensia ba aktividade neebe mak grupu HAMELALE iha.

Nia hateten, hanesan asosiasaun, nafatin buka meius apoiu grupu HAMELALE iha parte administrasaun, programa tekniku nomos halo negosiasaun, nunee grupu nee bele hetan apoiu husi NGO seluk, maibe A.UFD kontinua sai mata dalan ba grupu nee nia ezistensia no asegura nia movimentu.*

Repoetajen: Tomas Reis

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Vasina Pfizer Importante Ba Labarik Sira

DILI, STLNEWS.co – Tuir Ministra Saude Odete Maria Freitas Belo dehan, labarik sira presiza simu vasina Pfizer nee, tanba importante tebes hodi bele prevene moras...

Update Covid-19 TL 27 Outubru: Kazu Pozitivu 7 & Rekuperadu Nain 3

DILI, STLNEWS.co – Ohin loron 27 fulan Outubru tinan 2021, liu husi Centro Integrado Gestão de Crises, Sala Situação (CIGC-SS) rejistu tan kazu konfirmadu...

Estudante ESJ Simu Ona Vasina Pfizer

DILI, STLNEWS.co – Eskola Ensinu Sekundariu Jeral (ESJ) 4 Setembru simu ona vasina Pfizer ba doze primeiru, atu nunee bele halo prevensaun ba Covid-19. Informa...