1 Janeiru Selebra Loron Nain Feto, Loron Pas No Dame

MANUFAHI, STLNEWS.co – Dia 1 Janeiru 2024, loron neebe igreza universal selebra loron Nain Feto nudar Maromak nia inan, nomos selebra loron pas no dame.

Lia hirak nee hatoo husi Amu Vigariu Paroquia Alas, Abril dos Santos, OFM iha selebrasaun misa Segunda (1 Janeiru 2024), iha Wedauberek, Suku Mahaquidan, Postu Administrativu Alas, Munisipiu Manufahi.

“Ohin dia 1 Janeiru 2024, ita hamutuk ho igreza universal selebra loron Nain Feto nudar Maromak nia inan, iha 1 Janeiru nee mos selebra loron pas no loron dame nian, bainhira ita refleta didiak Nai Maromak nia futar liafuan, husi primeiru leitura mai too evanjelhu, ita fiar katak Nai Maromak nee nia banga ba nia desizaun fiel duni, tanba dezde Nai Maromak kria ema, maski ema nee monu ba sala, balu nega nia, maibe mantein nafatin fiel ho nia desizaun, uluk Nai Maromak haklaken futar lia fuan husi profeta sira”, haklaken Amu Vigariu Paroquia Alas, Abril dos Santos, OFM.

Padre nee hatete, Maromak koalia mai ema liu husi nia oan atu lori mudansa ba ita nia aan, neebe depende ba ema ida-idak, uluk kedas nai Maromak planu salvasaun ema, maromak nafatin fiel ba nia aan nudar aman, neebe koko salva oan sira, maske oan sira dala barak ulun toos.

Padre nee dehan, ema Israel Nai Maromak lori sai husi Eziptu, sai husi atan sira nia laran, lori too iha rai fuik maran bee laiha, sira halo protesta ba Nai Maromak katak atu lori sira ba mate, nunee too iha Israel haree ema Israel lafiar ba maromak sira mos halai tuir , depois Maromak arepe de hodi loro profeta sira mai katak adora deit mak Maromak, maibe ema sira nee lafiar hodi dehan agora modernu.

Maibe ikus mai Nai Maromak harahu tiha sira no sira monu tiha ba fatin Babilo, no sira lakon identidade nudar ema kristaun, maibe Maromak fiel lori hikas sira fila mai Israel, husi neeba mak Kristaun sira mai.

“Istoria atu hatudu mai ita katak ita ema maske sala oinsa ba, maibe nai maromak nunka konta ema nia sala, Maromak nafatin fiel ba nia aan. Maromak konkretiza identidade ba ema ikus liu husi nia oan, neebe moris husi Nain Feto, mak mundu hetan salvasaun, husi Nain Feto ema bele komunika ho Maromak liu husi Nai Jesus Kristu, tanba nee liu husi Maria Nain Feto mak ema sala nain hakat ba komunika direta ho Maromak”, tenik Amu Vigariu Paroquin Alas.

Tanba nee ohin dia 1 Janeiru evanjelho sira no Igreza universal konvida ema hotu hanaran ema kristaun atu hanorin ema hotu sai inan iha moris, neebe sai inan nee laos deit feto sira, maibe mane sira mos bele sai inan.

Tuir Padre nee katak, Nain Feto sai inan liu husi hahoris Kristu lori salvasaun ba mundu, maibe ita mane sira bele sai inan laos hanesan Maria Nain Feto, bele hahoris Kristu, maibe ita bele sai inan liu husi hahoris Kristu nia hahalok siralri dame, domin mai.moris hamutuk, tanba iha ita nia mris lahahoris domin dame, hirus malu deit no seluk tan nee labele.

Tanba nee, aprende husi Nain Feto, halo aan sai hanesan odamatan Maromak nian, neebe husi ita ema seluk bele ba komunika ho Maromak.

(gui)

LEAVE A REPLY

Please enter your comment!
Please enter your name here