12 Novembru, Timor Leste Debating Group (TLDG) Realiza Debate Lian Inglés

DILI, STLNEWS.coTimor Leste Debating Group (TLDG) realiza debate ho lian Inglés ba dala tolu, hodi komemora loron juventude loriku asuwain neebe maka fakar raan no mate ba rai ida nee.

Tuir Prezidente organizadora TLDG, Josefa Leonora Manzoia hatete, liu husi eventu ida nee ho debate lian Inglés atu komemora loron juventude asuwain neebe mak manifesta no fakar raan ba rai ida nee iha loron 12 Novembru 1991.

“Tinan ida nee ami realiza ba dala tolu ona, komesa iha tinan 2018 ami hahu ho lian tetun, iha tinan 2019 no tinan ida nee ami hahu fali ho lian Inglés,” dehan nia ba jornalista sira iha salaun Ian Martin Infordepe, Balide, Sesta nee (12/11/2021).

Nia hatutan, iha eventu nee hetan apoiu husi UNDP, Embaixador Australia, MEJD, Timor Telecom, Telcomcel, Bee lafaek, SAMES, IP., no UNTL.

“Hau hakarak enkoraja nafatin ba joven hotu – hotu hodi partisipa nafatin eventu ida nee iha tinan oin, atu nunee espresa nafatin ita boot sira nia ideia no kritika neebe mak iha,” katak Josefa.

Nia relata, iha tinan kotuk hetan debator husi universidade oin-oin maka hanesan UNTL, IOB, UNPAZ, UNDIL, JSU, no ISFIT.

Iha fatin hanesan, reprezentante debator Silvio Joma Correia reforsa tan katak, objetivu husi prezensa ida nee atu kompete liu husi debate ho lian Inglés, hodi espresa ideia liu husi problema oin – oin hanesan topiku nasional, regional, no mundial.

“Hanesan joven, ami agradese ba oportunidade ida nee no orgullu tebes, tanba bele loke ami nia hanoin ba buat neebe maka seidauk aprende no buka atu hatene,” hakotu nia.

(EST/07)

LEAVE A REPLY

Please enter your comment!
Please enter your name here

NEWS UPDATE

Xanana Fila Hikas Ona Mai TL Ho Batik

DILI, STLNEWS.co - Hafoin halao viajen ba Japaun ho Portugal, durante semana 3 hodi halao enkontru lubuk ida, no simu honorariu doctorate 2 husi...

Jornalista Iha Filipina Hetan Tiru, Suspeitu Sei Misteriu

DILI, STLNEWS.co – Jornalista ida mate hetan tiru iha Filipina loron Kuarta horiseik (08/12/2022), bazeia ba informasaun husi grupu advokasia fatin neeba. Nia mak Jesus...

Universidade Katolika TL Iha Lasu No Devosaun Boot

DILI, STLNEWS.co – Ohin governu no lider Igreja Katolika hamutuk ho Premeadu Nobel da Paz, Dr. Jose Ramos Horta halo inagurasaun abertura solene Universidade...