15 Setembru Komisaun Rekrutamentu Sei Anunsia Lista Kandidatu F-FDTL

DILI, STLNEWS.co – Xefe Estadu Maior Falintil-Forsa Defeza Timor Leste (F-FDTL), Brigadeiru Jeneral Calisto Santos Coliati informa, iha loron 15 fulan Setembru nee komisaun rekrutamentu sei anunsia lista ba membru foun F-FDTL.

Lia hirak nee Coliati haktuir ba jornalista sira iha Ministeriu Finansas Aitarak Laran Segunda (06/09/2021), hafoin mai partisipa iha Komisaun Revizaun Orsamentu Polítika (KROP).

“Setembru nia laran ita reintegra kedas sira foun nee ba iha Metinaro, maibé data ba bainhira mak atu reintegra nee hau seidauk bele fo sai,” dehan Xefe Estadu Maior F-FDTL.

Brigadeiru nee dehan, durante nee seidauk publika lista kadetu foun, tanba sei hein ekipamentus hanesan fardamentu ba membru F-FDTL foun  husi rai liur, maibe ekipamentu prepara ona no iha ona orsamentu atu selu, maibe tanba pandemia entaun hasoru difikuldade atu transporta sasan sira nee husi tasi balun mai.

Maibe wainhira fardamentu sira nee hotu ona mak sei publika naran iha fulan Setembru nee nia laran.

Nia deklara, durante nee adia hela deit loron atu taka sai naran nee, tanba iha Timor Leste atu suku farda ba ema rihun nee seidauk bele, entaun husu ajuda ba rai seluk, no rai seluk mos enfrenta hotu ba pandemia nee mak prosesu nee naruk.*

Reportajen: Alberto Menezes

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 26 Setembru: Kazu Pozitivu 32 & Rekuperadu 83

DILI, STLNEWS.co - Sentru Integradu Jestaun Krize (SIJK) ohin relata kazu pozitivu iha ema nain 32 no rekuperadu hamutuk 117. "Kazu detetadu foun neebe relata ohin loron...

MTKI Loke Kompetisaun Pintura

DILI, STLNEWS.co - Ministeriu Turizmu Komersiu no Industria (MTKI), liu husi Diresaun Nasional Emprendismo ba Atividade Produtus Turistiku organiza kompetisaun pintura ba joven sira. Grupu...

Remata Nia Misaun Iha TL, Sitorus Despedida Ho WNI

DILI, STLNEWS.co – Embaixador Indonezia ba Timor Leste (TL), Sahat Sitorus ho nia espoza Bintang Vera C. Sitanggang, neebe durante tinan 4 ho balun...
%d bloggers like this: