15 Setembru PN Sei Halo Votus Pezar Ba Jorge Sampaio

DILI, STLNEWS.co – Tuir Sekretaria meza Parlamentu Nasional, Lidia Norberta afirma, loron 15 fulan Setembru reprezentante povu iha uma fukun Parlamentu Nasional sei halo votus pezar ba Eis Prezidente Republika Portugal, Jorge Sampaio.

“Loron 15 fulan Setembru PN sei halo votu pezar ba Eis Prezidente Republika Portugal, Jorge Sampaio neebe foin lalais hakotu ona iis,” dehan nia ba jornalista iha PN, Segunda nee (13/09/2021).

Nia dehan, orgaun sira seluk halo ona, PN labele adia beibeik, tanba nee loron 15 agora sei halo votu pezar.

“Atu hatete katak, delegasaun Prezidente Parlamentu Nasional (PPN) neebe ba halao servisu iha Austria ho Portugal, halao enkontru barak – barak iha kedas situasaun Eis PR Portugal hakotu iis, PPN aproveita momentu nee ba hato’o sentidu kondolensia hanesan orgaun estadu no povu TL, ba iha estadu no povu portuges neebe lakon ema diak ida,” afirma nia.

Iha fatin hanesan, Vise Bankada CNRT, Deputadu Patrosino Fernandes  dehan, Eis PR Portugal, Jorge Sampaio merese atu simu  votu pezar ruma husi PN.

Nia hatutan, tanba nia ema ida neebe importante tebes – tebes ba Timor iha luta ba libertasaun da patria nian, neebe ninia kontribuisaun nee boot tebes.*

Reportajen: Domingas Soares

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

KM Aprova Dekretu Lei Apoiu Nesesidade Baziku Ba Funsionariu Publiku

DILI , STLNEWS.co – Konsellu Ministru (KM) halao sorumutu iha Palasiu Governu aprova ona projetu dekretu-lei, atu kria subsidiu mensal ai-han nian ba funsionariu...

MAE Fo Pose Ba Prezidente Autoridade Munisipiu Dili

DILI, STLNEWS.co – Governu liu husi Ministeriu Administrasaun Estatal (MAE), fo pose ba Prezidente Autoridade Munisipiu Dili foun. Ministru Administrasaun Estatal (MAE) Miguel Pereira de...

Update Covid-19 TL 20 Setembru: Kazu Positivu 25, Rekuperadu 127 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu positivu iha ema nain 25, rekuperadu 127 no obitu nain 1. "Kazu detetadu foun neebe...
%d bloggers like this: