20 Agostu Abertura Kopa FFTL

DILI, STLNEWS.co – Komisaun Organizadora Kopa Federasaun Futebol Timor Leste (FFTL) deklara, hahu iha loron 20 fulan Agostu tinan nee abertura ona kompetisaun Kopa FFTL.

“Husu ba klubu sira preparadu atu mai rejista tuir rekezitus neebe federasaun ho liga anunsia pontus importante neebe fo sai ba klubu primeira divizaun no segundu divizaun,” dehan Diretor Relasaun Publika Diogo Neto Fraga ba jornalista sira liu husi konferensia imprensa iha salaun Federasaun Futebol Leste Timor Leste, Dili, Sesta (09/07/2021).

Nia dehan, fatin rejistu no verifikasaun sei konsentra hamutuk iha fatin federasaun nian hahu loron 12 Jullu too 12 Agostu 2021 tanba previstu ona iha diskusaun no hetan konkordansia mutua sei halao jogu iha kampionatu tolu realiza uluk mak kopa FFTL, LFTL, ikus liu Tasa 12 de Novembru.

“Jogu sei hahu 20 Agustu 2021 aproveita mos ho loron FALINTIL hodi loke jogu abertura hodi komemora no kampeonatu lao nafatin”, katak nia.

Nia akresenta, jogu nee sei uza sistema bota fora ka lakon sai (knock out), nunee mos hafoin jogu Kopa FFTL realiza parte komisaun sei kontinua koordena malu hamutuk hodi deside tan kalendariu ba kompetisaun Liga Futebol nomos Tasa 12 de Novembru nian.

Iha sorin seluk, Adjuntu Sekretariu jeral FFTL, Frederico Martins hatete, haree ba situasaun iha Timor Leste sira bazeia ba protokolu saude nian halo ona komunikasaun ho Sentru Integradu Jestaun Krize (SIJK).

“Ami halo ona komunikasaun ho Sentru Integradu kolia konaba regulamentu internu ba iha protokolu ba prevensaun surtu Covid-19 nian, submete antes ona ba iha Sentru Integradu bainhira halao jogu ita sei laiha adeptus maibe ita haree lai iha fulan ida nee too Agostu mak lao normal ita sei iha adeptus maibe sei tuir protokolu neebe fo sai,” nia dehan.

Nia informa, kompetisaun nee realiza tanba sira komesa hamutuk ho parte SIJK no mos tuir dadus neebe mak sira rekolla jogador sira husi klubu maioria mak simu ona vasina daruak.*

Reportajen: Maria Tavares
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Covid-19 Update (29 Jullu 2021): Numeru Pozitivu Kontinua Aas Iha Ermera

DILI, STLNEWS.co - Loron Kinta (29/07/ 2021), Centru Integradu Gestão de Crises, Sala Situação (CIGC-SS / SS-SIJK) rejistu tan kazu konfirmadu pozitivu Covid-19 hamutuk...

Nobel da Paz Prepara Materia Ba Ezame

DILI, STLNEWS.co - Eskola Ensinu Sekundariu Nobel da Paz, prepara ona materia ba estudante sira, atu tuir ezame segundu periodu ano letivu 2021, neebe...

IFFS Reativa Aula Prezensial

DILI, STLNEWS.co - Reitor Instituto Filosofico Sao Francisco de Sales (IFFS), Pe. Manuel Pinto hatete, reativa aula prosesu aprendizajen, tanba lakon tempu barak ona...
%d bloggers like this: