2019 too 2021 Partidu Foun 5 Halo Pedidu Inskrisaun, Indefere Hotu

Dili, STLNEWS.co Partidu lima (5) mak ba halo pedidu inskrisaun, maibe tanba la prienxe rekezitus balu, ikus mai Tribunal Rekursu indefere haat, no Ministru Justisa indefere ida.

“Desde 2019 to’o mai ohin loron nee foin mak partidu lima (5) foun, partidu haat (4) mak mai halo ona inskrisaun de rejistu no Ministru Justisa submete sira nia dokumentus nee ba iha Tribunal Rekursu, maibe Tribunal Rekursu indefere tiha sira nia pedidu de inskrisaun,”  dehan Diretor Jeral Servisu Rejistu Notariadu, Crisogno da Costa Neto ba STL, Kuarta (01/09/2021).

Nia hatutan, partidu haat nee mak PATIFOR, FITUN, OS VERDES DE TIMOR, no ida partidu dezenvolvimentu nasional. Iha tinan 2021 iha partidu foun ida mak ba halo tan pedidu de inskrisaun, mak partidu UNIDADE DEZENVOLVIMENTU NASIONAL no partidu nee hetan indefere direita husi Ministru Jutisa, tanba seidauk prense rekezitus.

Tanba nee to’o mai agora iha partidu foun lima mak mai husu pedidu de inskrisaun, maibe sira seidauk rejistu.

Nia esplika, rekezitus partidu politiku nian tuir lei partidu politiku numeru 2/2016, iha loron 3 fulan Abril, primeiru alterasaun ba lei numeru 3/2004, loron 14 fulan Abril konaba partidu politiku. Iha artigu 13 konaba rekezitus ba inskrisaun partidu politiku foun mak hanesan nee.

Primeiru apoiantes nee minimu 20 mil, no ida nee laos konsentra iha fatin ida, maibe kada munisipiu minimu mil no akomula mak 20 mil.

Nunee husi 20 mil apoiantes nee elejibel atu tuir eleisaun, signifika idade 17 ba leten iha ona kartaun eleitoral mak bele sai apoiantes ba iha partidu politiku sira.

Nunee iha numeru 2 artigu 13 hateten katak, apoiantes 20 mil nee tenke konfirma ho nia identifikasaun sivil, no lei partidu politiku nian hatete dehan, bele konfirma bilhete de indentidade, se apoiantes nian seidauk iha karik, bele sertidaun moris, se ida nee la iha bele sedula pessoal, no ida nee la iha bele passaporte, se ida nee la iha bele sertidaun batizmu, no ida nee la iha karik bele sertidaun kazamentu.

aleinde kartaun eleitoral no identifikasaun sivil, rekezitus seluk mak tenke iha estatutu partidu, manual partidu, programa partidu, hino partidu nian, emblema partidu nian, bandeira partidu nian, nomos denominante ka ema sira neebe harii partidu, rekezitus sira nee mak hato’o ba iha Ministru Justisa atu bele hetan autentika. No lista apoiantes sira nee haruka ba atu hetan rekonesementu husi notariu sira.

Ezemplu mil iha Dili tenke lori mai iha Dili, se mil iha Bobonaro lori ba iha Bobonaro atu konservador notariu sira bele halo rekonesimentu ba asinatura sira nee.

Hatan konaba hirak neebe indefere ona, nia dehan tempu sei naruk, tanba nee sira bele kompleta fali dokumentus sira bazeia ba rekezitus neebe iha hodi lori fali ba.

Antes nee, Tribunal Rekursu halo indefere ba iha partidu haat nee, tanba deit seidauk prienxe rekezitus neebe iha.*

Reportajen: Terezinha de Deus

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

KM Aprova Dekretu Lei Apoiu Nesesidade Baziku Ba Funsionariu Publiku

DILI , STLNEWS.co – Konsellu Ministru (KM) halao sorumutu iha Palasiu Governu aprova ona projetu dekretu-lei, atu kria subsidiu mensal ai-han nian ba funsionariu...

MAE Fo Pose Ba Prezidente Autoridade Munisipiu Dili

DILI, STLNEWS.co – Governu liu husi Ministeriu Administrasaun Estatal (MAE), fo pose ba Prezidente Autoridade Munisipiu Dili foun. Ministru Administrasaun Estatal (MAE) Miguel Pereira de...

Update Covid-19 TL 20 Setembru: Kazu Positivu 25, Rekuperadu 127 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu positivu iha ema nain 25, rekuperadu 127 no obitu nain 1. "Kazu detetadu foun neebe...
%d bloggers like this: