Antonio: PNTL Sei Rekruta Efetivus Nain 720 Iha Tinan 2023

DILI, STLNEWS.co – Visi Ministru Interior, Antonio Armindo halao sorumutu ho Komandante Jeral Polisia Nasional Timor Leste (PNTL), Komisariu Polisia Faustino da Costa no superior sira seluk, hodi koalia konaba rekrutamentu ba tinan 2023, neebe presiza ema nain 720.

Iha inkontru nee, Komando Jeral PNTL aprezenta konaba efetivus hira mak ativu, hira mak la ativu no mate.

Hafoin remata enkontru, Visi Ministru Interior, Antonio Armindo informa, enkontru ida nee atu halo aprezentasaun ba efetivus iha teritoriu laran, no iha futuru presiza halo rekrutamentu ba efetivus foun ka lae.

“Ita atu halo rekrutamentu hamutuk nain 720, aleinde troka sira reforma, sira neebe vida too tiha ona, sira neebe mak moras difisiente mental no fizika, nunee bele prienxe fila fali numeru sira nee,” dehan Antonio Armindo ba jornalista sira, hafoin remata enkontru iha Kuartel Jeral PNTL, Kaikoli, Dili, Sesta nee (06/05/2022).

“Rekrutamentu nee kuandu ita nian estatutu ema aprova ona, ema sai no konta mos ho sira neebe moras difisiente mental, difisiente fiziku no sira neebe mate,” dehan nia.

Enkuantu tuir dadus, iha tinan kotuk efetivus hamutuk nain 31 mak mate, no tinan ida nee nain 11.

Tuir nia, semana oin sira sei lori dokomentus sira nee ba aprezenta iha Primeiru Ministru Taur Matan Ruak hanesan mos Ministru Interior, hodi bele aprova foin bele ajusta orsamentu.

(efi)

LEAVE A REPLY

Please enter your comment!
Please enter your name here

NEWS UPDATE

Profile Padre Francisco Fernandes

Edisaun ohin ita sei ho Padre Francisco Soares Fernandes, ai fuan domin husi aman Domingos Fernandes no inan Isabel Soares, oan ba dala uluk...

Afetadu Covid-19, Horta Nia Amigu Diak Husi Nova Zelandia La Partisipa

DILI, STLNEWS.co - Prezidente eleitu Dr. Jose Ramos Horta hatete, Ministru boot ida husi Nova Zelandia nia kolega diak tinan 30 ona, ministru boot...

Asidente Iha Bekora, Vitima Mate Fatin

DILI, STLNEWS.co – Asidente trafiku kareta tanki tula mina ida husi kompania Realistric Fuel, la iha sapa matrikula ho motor Revo ho sapa matrikula 3668...