DILI, STLNEWS.co – Komemorasaun loron konsulta popular 30 de Agosto, nee loron espesial ba povu neebe altura neeba barani halo desizaun, maski iha situasaun politika neebe manas, nunee refleta jerasaun foun kria pas iha nasaun ida nee.
Kestaun nee hatoo husi Visi Reitor III husi UNDIL, Hugo Lourenco da Costa ba STL Segunda nee (28/08/2023).
“Reasaun husi militar i milisia, maibe povu maduru ho pregu duni sai indonezia, tanba nee komemorasaun 30 de Agostu nudar reflesaun ba jerasaun foun sira atu promove pas, nunee dezenvolve nasaun. Independesia sosa ho raan, mate no sofrementu, eroi sira neebe mate ba ukun rasik aan, la goja ukun aan,” nia deklara.
Hugo dehan, jerasaun foun tenki kuda espiritu nasionalizmu no patriotizmu hanesan eroi sira neebe sakrifika vida tomak ba ukun aan, lakon oan, feen, laen no famiilia tomak. Joven tenki hakribi violensia, labele involve iha arte marsiais para oho malu, halo terus familia, tanba rai nee ukun aan ona.
“Joven sira neebe mak kontinua halo provokasaun ataka malu, oho malu, nee milisia nia oan sira, nee joven sira neebe mak lakohi ukun aan, lakohi Timor ba oin, joven sira mentalidade atan ba ema hodi kria instabilidade ba rai no povu,” nia deklara.
Nia hatete, ikus-ikus nee joven sira provoka malu iha fatin-fatin, maibe husu oinsa joven tenki kria pas no estabilidade, tanba ohin loron ukun aan ida nee ema barak lakon familia neebe sira hadomi.
(jac)
