Angela Konsidera TL Aplika Ditadura Militar

Koordenador Grupu Rezistensia Nasional Defende Justisa Konstituisaun (RNDJK), Angela Freitas konsidera estadu Timor-Leste aplika ditadura militar, tanba uza forsa hodi hapara movimentu neebe sira trasa. (Photo: STL News/Donaciano Magalhães)

DILI, STLNEWS.co – Koordenador Grupu Rezistensia Nasional Defende Justisa Konstituisaun (RNDJK), Angela Freitas konsidera estadu Timor-Leste aplika ditadura militar, tanba uza forsa hodi hapara movimentu neebe sira trasa.

Koordenador Grupu Rezistensia Nasional Defende Justisa Konstituisaun (RNDJK), Angela Freitas hatoo kestaun nee ba jornalista sira liu husi konferensia imprensa iha ninia rezidensia Bairo Formosa Dili, Kuarta (02/09/2020).

“Relasiona ho situasaun atual neebe ita hotu akompana hatudu katak iha ita nia rai komesa ona atu aplika ditadura militar,” dehan nia.

Nia dehan, tanba nee duni, RNDJK haree no tetu, katak loron ida nee mak sira determina, atu halo asaun iha dia 4 de Setembru, no sira sei muda fila fali data nee, tanba ho akontesimentu neebe akontese horseik hanesan paniku ida ba populasaun tomak.

Nia hatete, masa neebe mak atu hatun distritu 13 kestiona tebes konaba situasaun no atuasaun militar neebe ema hotu hatene katak, iha lei hakerek ona militar nia knaar mak atu asegura nasaun, ka kazu iha ameasa externa husi liur.

“Maibe ita haree nomos katak militar hasai fali knaar polisia nian, atu halo atuasaun ba movimentu kualker, neebe mak atu halo demonstrasaun tuir lolos knaar polisia nian, maibe militar mak agora hakat liu fali polisia nia knaar,” dehan nia.

Nia hatutan, tanba nee duni presiza hamutuk atu haree ida nee, nunee labele prejudika sidadaun sira atu lao livremente hodi expresa saida mak akontese iha rai laran Timor nee.

Reportajen: Efizenia da Costa

Editor: Carme Ximenes

LEAVE A REPLY

Please enter your comment!
Please enter your name here