Abertura Primeira Divizaun, Buibere FC Ho S’Amuser Fahe Pontus 1-1

DILI, STLNEWS.co – Abertura Primeira Divizaun Liga Timorense de Futebol Feminino (LTFF), Buibere FC ho nia adversariu S’Amuser fahe pontus 1-1.

Duelu entre ekipa rua nee halao iha estadu Municipal Dili, Sabadu (21/08/2021).

Iha inisiu jogu, ekipa rua nee hotu hotu hatudu jogu furak hodi halo kontra atake ba malu, iha minutu 32, Buibere FC konsege fura rede S’Amuser liu husi Nilda Romana, jogador ho numeru kamizola 13 nee marka golu liu husi suta livre ho nunee skor muda an ba 1-0.

Skor 1-0 halo jogu kontinua manas liu tan, maibe ekipa rua la konsege marka tan golu to’o jogu parte da huluk termina skor nafatin 1-0.

Kontinua ba jogu parte daruak, ekipa rua nafatin halo kontra atake ba malu no ekipa S’Asamuer neebe sofre uluk golu, desde jogu parte dahuluk konsege halo mudansa ba tatika hodi halo kontra atake neebe barak maibe la konsege rezulta golu .

No tama ba iha minutu 89 mudansa neebe halo husi ekipa S’Asamuer konsege rezulta golu hodi halo empata skor ba 1-1 liu husi Maria A. da Conceição, jogador ho numeru kamizola 4 nee marka golu liu husi suta livre, hodi halo empata jogu ba 1-1, no skor refere mantein to’o jogu termina.

Hafoin jogu termina, treinador ekipa S’Amuser, Olizio do Santos, hatete problema neebe mak sira enfrenta iha kampu laran mak jogador sira nia linha koordenasaun neebe mak la efetivu.

“Iha tan ami nia jogador ida iha laran cedera mais ami obriga joga, labarik sira rezistensia monu ami obriga joga, entaun nee failansu treinador, hau halo nusa para sira nee bele joga hotu entaun iha babak kedua ami halo evaluasaun ida husi kesalahan ida neebe mak ohin primeiru nee” katak nia.

Iha fatin hanesan, treinador Buibere FC, Octavianos Pinto, hatete tuir loloos sira manan iha jogu refere tanba iha failansu balu entaun sira fahe pontus.

“Hanesan ita hotu haree, ohin tuir loloos ami nia ekipa manan ona iha jogu nee ho ami nia ekipa adversariu S’Amuser, maibe tanba deit failansu balu husi jogador, entaun ohin konsege marka duni golu ida ba ami,” katak nia.

Nia promete, jogu tuir mai sira sei hadia diak liu tan.*

Reportajen: Maria Tavares
Editora: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 23 Setembru: Kazu Pozitivu 58, Rekuperadu 148 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 58, i kazu rekuperadu ohin loron 148 no obitu nain...

Vasinasaun Dalan Seguru, Normaliza Situasaun

DILI, STLNEWS.co – Vasinasaun mak dalan seguru hodi normaliza situasaun, no hasae imunidade forte atu prevene Covid-19. Kestaun nee haktuir husi Ministru Ensinu Superior Siensia...

Finalista ICS 292 Simu Graduasaun

DILI, STLNEWS.co – Institutu Ciencia Saude (ICS), ohin halao graduasaun ba finalista hamutuk 292, kompostu husi fakuldade 4 mak hanesan, Fakuldade Enfarmajen, Farmasia, Parteira...
%d bloggers like this: