Abertura Sesaun Solene, PR La Marka Prezensa

DILI, STLNEWS.co – Aban loron 15 fulan Setembru Parlamentu Nasional (PN) sei halo abertura ba sesaun solene ba kuarta sesaun lejislativa, Prezidente Republika la marka prezensa. Nunee Bankada CNRT afirma, Prezidente Republika labele delega Casa Sivil, tanba PN segundu Orgaun Soberania.

Tuir Deputadu Bankada CNRT Domingos Carvalho dehan, sesaun lejisliativa neebe iha loron 15 fulan Setembru, tanba resesu iha loron 15 fulan Jullu depois tama primeira sesaun lejislativa iha loron 15 fulan Setembru nee, PR hakarak ka lakohi tenke partisipa.

“Durante hau nia mandatu hanesan deputadu to’o tinan 10 resin ona, nunka dehan iha primeira sesaun lejislativa nee Prezidente la marka prezensa, keta ho kondisaun moras ruma la hatene, maibe atu hakarak ka lakohi tenke partisipa,” tenik nia ba jornalista sira iha PN, Tersa nee (14/09/2021).

.

Nia hatete, PN segundu orgaun soberanu, no Casa Sivil nee servisu ba iha PR hanesan hatutan, PR ninia ibun, matan fuan no tilun i PR atu desloka ba fatin ruma la konsege entaun Xefe Casa Sivil mak reprezenta, maibe PN labele, bainhira tama ona kuarta sesaun lejislativa nee hakarak ka lakohi tenke Xefe Estadu.  

Nia hatutan, agora problema ida mak Prezidente Parlamentu Nasional mos ohin foin fila husi Austria mai, aban iha sesaun lejislativa nee mos dala ruma sei la partisipa, tanba tenke kumpre lai halo auto kuarentena loron 14.

Aleinde nee, Sekretaria Meja PN Lidia Norberta dehan, iha rejimentu parlamentu artigu 45 iha neeba koalia konaba sesaun lejislativa katak,  data inisiu sesaun lejislativa e terminu sesaun lejislativa neebe normalmente termia iha loron 15 fulan Setembru nee, iha artigu 45 rejimentu PN hatete hanesan nee.

Nia tenik, iha sesaun lejislativa balun mak PR mai no iha sesaun lejislativa balun mos PR la mai, tanba iha artigu 45 nee hato’o ona katak, laiha obrigatoriedade atu PR tenke marka prejensa iha sesaun solene nee.*

Reportajen: Domingas Soares

Editor: Ekipa STL 

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 26 Setembru: Kazu Pozitivu 32 & Rekuperadu 83

DILI, STLNEWS.co - Sentru Integradu Jestaun Krize (SIJK) ohin relata kazu pozitivu iha ema nain 32 no rekuperadu hamutuk 117. "Kazu detetadu foun neebe relata ohin loron...

MTKI Loke Kompetisaun Pintura

DILI, STLNEWS.co - Ministeriu Turizmu Komersiu no Industria (MTKI), liu husi Diresaun Nasional Emprendismo ba Atividade Produtus Turistiku organiza kompetisaun pintura ba joven sira. Grupu...

Remata Nia Misaun Iha TL, Sitorus Despedida Ho WNI

DILI, STLNEWS.co – Embaixador Indonezia ba Timor Leste (TL), Sahat Sitorus ho nia espoza Bintang Vera C. Sitanggang, neebe durante tinan 4 ho balun...
%d bloggers like this: