Abstein Situasaun Myanmar, Assanami: Traisaun Valores TL Defende

DILI, STLNEWS.co – Relasiona ho pozisaun governu Timor-Leste (TL) nian neebe fo votu abstensaun ba situasaun Myanmar iha ONU, Parlamentu Nasional (PN) kondena makas, no ida nee halo traisaun ba valores TL nian, durante nee defende liberdade no direitus umanus.

Kestaun nee hatoo husi Deputadu Bankada PD Mariano Assanami Sabino, husu klarifikasaun husi Ministeriu Negosiu Estranjeiru no Kooperasaun karik ida nee mak pozisaun klaru katak, TL abstein ba situasaun Myanmar, Bankada PD kondena makas ba pozisaun ida nee, tanba TL nia luta baze nee ba demokrasia, direitus umanus, i demokrasi rasik proklama iha dia 28 Novembru, katak rai nee Republika Demokratika TL, luta laos deit ho kartus musan, maibe luta koalia liberdade i koalia direitus umanus.

“Situasaun neebe ohin loron povu Myanmar hasoru, sitasaun nee uluk ita hasoru situasaun difikuldade neebe ita rijemotaritaria, maibe ita husik hela situasaun nee lao hanesan nee iha neeba rijem nee oho ema, maibe ita nia pozisaun abstein fali. PD haree ida nee traisaun ba fali ita nia valores neebe durante nee ita defende, tanba nee urjentemente, husu klarifikasaun mai iha PN, hodi hatene loloos pozisaun ida nee,” katak Assanami, liu husi deklarasaun Bankada PD iha plenaria Tersa (22/06/2021) iha PN.

Nia dehan, lapresiza katak tanba Myanmar mos membru ASEAN, neebe presiza lobi lai, maibe nee lapresiza lobi, kuandu iha nasaun neebe mak kontra direitu umanus, nee kontrariu ho TL, tanba TL ho baze direitus umanus.

Ekonomia ho TL atu adere ba ASEAN laboot liu fali defende ba direitus umanus neebe fundamentu TL nia luta.

Nunee mos Xefe Bankada FRETILIN, Deputadu Francisco Miranda Branco hatete, kona ba kestaun TL fo votu abstensaun ba situasaun Myanmar nee sira mos kondena makas ba pozisaun nee, tanba votu abstensaun nee lavaloriza istoria TL nian, neebe liu husi prosesu solidariedade mundial, i agora povu maluk iha Myanmar presiza solidariedade husi TL, maibe votu abstein.

Nia dehan, ida nee demonstra katak, lakumpri baze konstitusional TL nian, neebe solidariedade TL ho povu tomak, liu-liu povu kbiit laek sira, ida nee klaramente hatudu povu Myanmar oras nee junta militar hadau poder, kaer kilat hodi oho nia povu rasik.*

Reportajen: Guilhermina Franco/Domingas Soares/Madalena Horta
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Covid-19 Update (29 Jullu 2021): Numeru Pozitivu Kontinua Aas Iha Ermera

DILI, STLNEWS.co - Loron Kinta (29/07/ 2021), Centru Integradu Gestão de Crises, Sala Situação (CIGC-SS / SS-SIJK) rejistu tan kazu konfirmadu pozitivu Covid-19 hamutuk...

Nobel da Paz Prepara Materia Ba Ezame

DILI, STLNEWS.co - Eskola Ensinu Sekundariu Nobel da Paz, prepara ona materia ba estudante sira, atu tuir ezame segundu periodu ano letivu 2021, neebe...

IFFS Reativa Aula Prezensial

DILI, STLNEWS.co - Reitor Instituto Filosofico Sao Francisco de Sales (IFFS), Pe. Manuel Pinto hatete, reativa aula prosesu aprendizajen, tanba lakon tempu barak ona...
%d bloggers like this: