ACCCTO Apoiu Nesesidade Bazika Ba Komunidade Afetadu

Prezidente ACCCTO, Kathlen Goncalves. (Foto: Espesial)

DILI, STLNEWS.co – Associação Comercial Comunidade Chinesa Timor Oan ( ACCCTO ), hatoo sentimentu tristeza ba vitima sira neebe afetadu husi dezastre naturais, nebee foin dadauk povu TL hasoru, no sentido kondelensia ba sira neebe lakon sira nia família.

ACCCTO prepara ona nesesidade bazika, atu apoiu ba komunidade afetadu husi dezastre naturais neebe foin dadauk akontese.

Tuir Prezidente ACCCTO Kathlen Goncalves katak, membrus ACCCTO balu, liu liuEmpresarios sira hatudu laran luak no sentimento solidariedade ba familia sira neebe lakon sira nia ema, lakon sira nia uma, sira nia sasan tan nee liu husi biban ida nee ACCCTO oferese Aihan liu liu nesesidade bazika, hanesan fos, mina, masin midar, Kafe, masin, supermi, inklui mos ropa ba ema boot sira nomos ba labarik kiik sira, sasan sira nee donator husi ACCCTO.

“Hau hanoin sasan sira neebe maka atu apoiu ba komunidade afetadu sira nee, bali ita lori na interega ona ba governu liu liu Protesaun Sivil no balun ita apoiu Direta tanba nee ami sei tun ba iha naze liu liu komunidade sira neebe identifikadu sofre makes ba inundasaun neebe akontese iha semana kotuk, tanba nee nesesidade baziku balun tau hela iha ami nia office, ohin ho aban ami sei apoiu direta ba komunidade sira,” dehan Prezidente ACCCTO, Kathlen Goncalves ba STL, iha nia knaar fatin, Kinta (08/04/2021).

Nia afirma, sasan sira neebe maka ACCCTO apoiu ba komunidade afetadu sira nee maka hanesan fos 100 sak, supermi 100 dos, biskuit 100 dos, masin 30 dos, sabaun 5 dos, masin midar, roupa ba ema boot no ema kiik sira inklui sasan sira seluk.

Kathlen hatutan, apoiu sira nee balun ACCCTO lori ba intrega ona ba iha Sekretariu Estadu Protesaun Sivil iha loron Kuarta feira loraik, fiar katak Sekretariu Estadu Proteção Civil, liu husi direção centro formasaun nia bele ajuda apoiu lalais ba maluk sira neebe afetadu iha munisipiu.

Ba vitima sira iha Dili, aban no bain rua, ACCCTO sei halibru tan aiha no sasan seluk tan, hodi fo apoio ba vitima afetadus sira, tan nee sasan balun halibru ona iha ofis ACCCTO tuir planu sei fahe ba komunidade afetadus sira, hanesan Madre sira iha Hera, Tasi Tolu JP, eskola Saburaka laran, Parokia Bedois, nomos Aitarak Laran, apoiu sira nee mai husi Associação Comercial da Comunidade Chinesa Timor Oan.

Iha parte seluk reprezenatnte povu iha uma fukun Parlamentu Nasional Deputadu Antonio Verdial hatutan, inundasaun ida nee halo povu badak maka lakon sira nia vida, povu badak sofre tanba sira nia sasan mota lori hotu, balun mota tama sasan uma laran la aproveita, tan nee husu ba Governu atu halo asaun liu husi apoiu ba komunidade afetadu sira. *

Reportajen: Madalena Horta
Editor: Ekipa STL

LEAVE A REPLY

Please enter your comment!
Please enter your name here