ACETL Aprezenta Oportunidade Investimentu Ba PM

Association of Chinese Entreprise in Timor-Leste, (ACETL) hasoru Primeiru Ministru (PM), Taur Matan Ruak hodi aprezenta oportunidade investimentu ne’ebé hala’o no sei kontinua hala’o ba oin. (Foto: M-GPM)

DILI, STLNEWS.co – Association of Chinese Entreprise in Timor-Leste, (ACETL) hasoru Primeiru Ministru (PM), Taur Matan Ruak hodi aprezenta oportunidade investimentu ne’ebé hala’o no sei kontinua hala’o ba oin.

Asosiasaun ne’ebé hasoru kompostu husi Diretór COVED-CRGG, LDA, Sr. Alex Lin Diretór SDI, TL, Sr. Wang Tieming, Diretór China Nuclear 22, TL, Sr. Wang Wei, Diretór Shanghai Constrction, TL, Sr. Li Xiaolong, Manager Relasaun Públika, COVED-CRFG, LDA, Sra. Devi.

Tuir Manejer Relasaun Publika Alexandra da Costa hateten, hasoru Primeiru Ministru hodi aprezenta kona-ba asosiasaun no organizasaun nia ejistensia iha Timor-Leste, nomos atividade saida mak durante hala’o iha area ekonomia, agrikultura no infraestrutura.

“Ami mai husi asosiasaun ida, nia naran asosiation of session interprise hato’o deit ba exelensia Primeiru Ministru kona-ba ami nia organizasaun nia serbisu no lala’ok atividade. Tanba foin dadaun ami troka ona membru ba asosiasaun ne’e, nune’e ohin lori sira foun ne’e mai, hato’o atividade karik ami iha oportunidade atu halo investimentu no dezenvolvimentu ekonomia,” katak Alexandra da costa ba STL iha Palasiu Governu, Kinta (22/10/2020).

Nia dehan atividade ne’ebé durante ne’e asosiasaun ne’e halo barak, iha area Agrikultura Ekonomia, Construsaun no kreditu nian tanba sira bele halo kooperasaun ba saida deit.

Asosiasaun iha kompania balun halo projektu iha Suai, Portu Tibar, nomos elektrisidade. Nune’e karik ba oin iha oportundiade nasaun fó asosiasaun ne’e bele halo.

Durante hasoru malu ho PM, Taur Matan Ruak resposta ho di’ak, dehan bele karik ita bele halo kooperasaun tanba asosiaasaun nia ejiste inportante ba dezenvolvimentu.*

Reportajen: Claudios de Jesus
Editora: Ekipa STL

LEAVE A REPLY

Please enter your comment!
Please enter your name here