Acilino: Eleisaun Prezidensial Tenke Halao

DILI, STLNEWS.co – Maske surtu Covid-19 invade Timor Leste, maibe eleisaun Prezidensial tenke halao nafatin, tanba eleisaun laos programa ka atividade ida neebe bele adia.

Diretor Jeral STAE, Acilino Manuel Branco hatete, eleisaun nee define kedas ona iha konstituisaun, nunee STAE prepara ona planu ba eleisaun Prezidensial neebe sei halao iha 19 Marsu 2022.

“Eleisaun Prezidensial nee hakarak ka lakohi tenke halao, tanba eleisaun laos programa ka atividade ida neebe mak bele adia, maibe eleisaun nee define kedas ona iha konstituisaun, tanba nee tenke halao,” dehan Acilino ba STL, iha nia knaar fatin, Caikoli, Dili, Segunda (03/05/2021).

Nia dehan, atu hasoru eleisaun ida nee STAE halo ona preprasaun lubuk ida atividade balun oras nee dadaun lao hela, balun sei halao iha tempu tuir mai, sei halao planu neebe mak STAE trasa ona. Atividade neebe dadaun nee lao hela mak hahu rekrutamentu ba pesoal sira neebe mak sei fo apoiu ba iha eleisaun, liu-liu ba iha prosesu resensiamentu nian, nunee preparasun terenu lao hela, nunee hahu identifika sentru votasaun estasaun devotus sira.

“Ita mos hahu halao preparasun entermus de material no ekipamentus sira neebe mak sei utiliza ba eleisaun, ita bele dehan katak ba tinan ida nee purvolta de 90% material sira ba eleisaun sei preparadu kompleta iha tinan oin,” dehan nia.

Nia afirma, STAE mos sei apoiu oinsa atu bele prepara fo formasaun ba iha ofisiais sira neebe mak sei rekruta hodi atende eleitores sira, atu tuir votasaun.

Konaba entermus de operasional, iha ona referensia husi nasaun barak neebe mak organiza eleisaun, maske sira mos enfenta hela pandemia Covid-19 neebe mak ho numeru aas, maibe sira kontinua organiza eleisaun.

Reportajen: Santina Castro
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: