DILI, STLNEWS.co – Asosiasaun Defisiensia Timor Leste (ADTL) aprezenta relatoriu implementasaun peskiza edukasaun inkluziva iha munisipiu.
“Ohin ami nia ekipa aprezenta relatoriu implementasaun peskiza iha munisipiu 2 konsege deskobre faktu lubuk ida mak hanesan edukasaun enkluziva iha Ministeriu Edukasaun, manorin sira seidauk domina materia ba ema ho tipu defisiensia oi-oin,” dehan Diretor Ezekutivu ADTL, Cesario da Silva ba jornalista iha MTK, Kinta nee (21/09/2023).
Cesario dehan, ME estabelese sentru peskiza, iha Dili no Aileu, maibe professor sira seidauk iha konhesimentu konaba letra brailer no lian jestual, hodi hanorin ema ho defisiensia sira iha prosesu aprendizajen iha sala laran. Problema hirak nee difikulta mos ema ho defisiensia hodi partisipa iha prosesu aprendizajen iha sala laran, tanba profesor rasik seidauk iha konhesimentu masimu diak termu ema ho defisiensia nian.
Entaun difikulta ema ho defisiensia labele asesu edukasaun ho diak, tanba sira ezije ba Ministeriu Edukasaun atu identifika sentru formasaun sira iha kapital no munisipiu oinsa atu prepara kondisaun diak liu-liu fasilidade eskola ho adekuadu, hodi nune’e ema ho defisiénsia bele asesu ho diak hodi nune’e bele garante kualidade edukasaun iha futuru.
Tuir observasaun ADTL nian ba iha sentru iha Dili iha area Taibesi seidauk iha kondisaun seguru no fasilidade inklui ekipamentu makina letra brawler hodi atende ema ho difisiensia hodi asesu ba edukasaun inkluzivu ho diak.
“Tuir lo-loos ME hari sentru formasaun nee tenke prepara fasilidade kompletu hodi fasilita no tulun ema ho difisiensia hodi bele asesu ho diak.Maibe iha tinan nee ami ba halo peskiza iha sentru rua konsege identifika sentru rua nee menus duni fasilidade esensial kadeira roda hodi atende ba ema difisiensia sira uza hodi partisipa iha prosesu aprendizajem. Iha problema seluk maka manorin sira seidauk iha konesimentu kona ba letra brawler no mobiliariu no materia lian jestual no materia seluk tan hodi hanorin ema ho difiensia sira, entaun situasaun nee impede mos ema ho difisiensia labele partisipa iha prosesu aprendizajem,” nia afirma
Nunee mos Direitor Nasional Ensinu Rekorenti, Alfredo de Araujo hatete, Ministeriu Edukasaun iha politika,liu husi diresaun jeral planu no inkluzaun,oinsa mak prepara rekursu neebe mak apropriadu,hodi halo asistensia ba estudantes.
“Ita presiza rekursu neebe mak apropiadu,atu nunee bele fo asistensia neebe mak diak ba ita nian estudante sira, agora dadaun iha eskola bazika balun hanesan iha Dili no Aileu neebe hola parte iha enkontru ida nee,Dili nian hanesan eskola Farol,” nia dehan.
Nunee mos Tomas da Conceicao Soares hanesan Direitor EBC 10 de dezembru Comoro,hatete,sira mai partisipa atividades neebe mak halao husi ADTL, sira aprejenta relatoriu peskiza neebe durante nee sira halao.
(jac)
