ADTL Husu Governu Halao Dezenvolvimentu

Asosiasaun Difesiensia Timor Leste (ADTL), husu ba Governu liuliu kada Ministeriu atu halao dezenvolvimentu iha rai laran, nunee bele fasilita ema ho defisiensia. (Foto: ADTL)

DILI, STLNEWS.co – Asosiasaun Difesiensia Timor Leste (ADTL), husu ba Governu liuliu kada Ministeriu atu halao dezenvolvimentu iha rai laran, nunee bele fasilita ema ho defisiensia.

Ofisiais ADTL Veronica Tilman hatete, iha konstituisaun RDTL artigu 21 neebe koalia konaba “sidadaun neebe iha difisiensia “katak estadu valorija direitu sidadaun neebe mak ho defisiensia no bele promove direitu sidadaun ho kondisaun defisiensia no bele promove direitu sidadaun ho kondisaun tuir lei haruka.

“Governu Timor Leste introdus ona programa, planu no politika oioin hodi responde ba nesesidade garante ema ho defisiensia nian liu husi lina ministerial relevante sira,” dehan nia.

Nia dehan, husu ba governu da 8 hodi halais prosesu ratifikasaun ba konvensaun ONU ba direitu ema ho defisisensia UN Convention on the right of person with disability no estabelese konsellu nasional ba ema ho defisiensia neebe maka iha ona esbosu dekretu lei husi ministeriu solidariedade sosial ni inkluzaun neebe pendenti hela iha governasaun anterior.

Husu mos ba parlamentu nasional distintu deputadu/deputada oitavu lajislatura atu preve ajijensia hanesan tuir mai nee, orsamentu jeral estadu pelumenus 10%, halo verifikasaun ida klean ba planu, programa no orsamentu 2021 kria lei espesifiku ba ema ho defisiensiabazeia ba lei inan konstituisaun republika demokratiku Timor Leste artigu 21 ho kapitulu balun neebe maka refere ba ema ho defisiensia; fiskalizasaun ba projetu governu nian tenki garante ba estabilidade ba ema ho defisiensia.

Veronika hatutan ba Prezidente Republika husu wainhira promulga lei programa governu liga ba OJE, tenke hare mos ba lei artigu no kapitulu balun neebe pelumenus temi ema ho defisiensia.

Ba Ministeriu Solidariedade Sosial e Inkluzaun (MSSI) atu halais nee hahu implementa ona PAN 2020-2024 ba ema ho defisiensia no kontinua estabelese Konsellu Nasional ba direitu ema ho defisiensia hodi bele hetan aprovasaun husi Konsellu Ministru.*

Reportajen: Santina Castro
Editora: Carme Ximenes

LEAVE A REPLY

Please enter your comment!
Please enter your name here