Aeroporto Baucau Iha Ona Intendementu Governu TL Ho Governu Amerika

DILI, STLNEWS.co – Prosesu konstrusaun ba aeroporto Baucau, oras nee iha ona intendementu husi Governu Timor Leste nomos Governu Amerika.

Kestaun nee hatoo husi Ministru Defeza, Filomeno da Paixão de Jesus, ba jornalista bainhira remata hasoru malu ho Prezidente Republika (PR) Francisco Guterres Lú Olo, iha Palasiu Prezidente Bairru Pite, Tersa (22/06/2021).

“Aeroportu Baucau neste momentu iha Vice Primeiru Ministru José Reis, maibe iha komunikasaun neebe hau simu katak iha ona intendementu entre Governu Timor ho Governu Amerikanu, klaru katak aeroportu neeba aeroportu komersial, aeroportu sivil maibe sei hakiak destakamentu kiik oan ida para bele fo apoiu ba ita nia komponente aero.” hatete Ministru Defeza.

Iha biban nee, Ministru Defeza mos hatutan konaba portu naval Hera, Prezidente Republika (PR) Francisco Guterres Lú Olo mos koalia no fo mos diretivas.

“Portu naval Hera mos ohin koalia, Prezidente Republika fo diretivas kona ba nusa mak ita halao konstrusaun neebe ita hamutuk ho Austrália, tantu Australia fo apoiu atu halo portu atrakasaun rua ba ró neebe sei mai iha fin de 2023” hatete Ministru.

Prezidente Republika Francisco Guterres Lú Olo mos fo diretivas ho sentidu, ida haree mos preparasaun ba iha Timor leste no aumenta portu para depois mais tarde bele atraka tan ró ida ka rua para hola parte ba ró Austrália nian halo patrollamentu tantu ba norte no kosta súl.

Konaba konstrusaun fíziku, Ministru dehan agora seidauk, maibe iha hela aranjamentu akordu ho Australia.

Nunee mos konaba kandidatu membru F-FDTL ho inisial MMJ baku komunidade oras nee Ministru seidauk simu relatoriu.

“Hau seidauk simu, mas hau garante katak iha komandu F-FDTL nia tuir prosesu disiplinar” katak nia.

Nia hatutan sei aplika sansaun ruma ba membru foun, maibe konaba relatoriu refere too oras nee Ministru seidauk simu relatoriu.

Konaba aeroportu Baucau, Primeiru Ministru Taur Matan Ruak halo ona audensia ho Embaixador Estadus Unidus Amerika (EUA) nian iha Timor Leste, Charles Kevin Blackstone hodi koalia liu tan konaba kooperasaun pais rua nian, liu-liu apoiu EUA nian iha ambitu Covid-19 no dezastre naturais.

PM ho Embaixador Amerika mos koalia konaba reabilitasaun ba aeroportu Baucau neebe iha ona sinal diak, iha tempu besik bele hetan akordu hodi bele hahu ona prosesu reabilitasaun.*

Reportajen: Emerenciana Pinto
Editora: Josefa Parada

LEAVE A REPLY

Please enter your comment!
Please enter your name here

NEWS UPDATE

Covid-19 Update (29 Jullu 2021): Numeru Pozitivu Kontinua Aas Iha Ermera

DILI, STLNEWS.co - Loron Kinta (29/07/ 2021), Centru Integradu Gestão de Crises, Sala Situação (CIGC-SS / SS-SIJK) rejistu tan kazu konfirmadu pozitivu Covid-19 hamutuk...

Nobel da Paz Prepara Materia Ba Ezame

DILI, STLNEWS.co - Eskola Ensinu Sekundariu Nobel da Paz, prepara ona materia ba estudante sira, atu tuir ezame segundu periodu ano letivu 2021, neebe...

IFFS Reativa Aula Prezensial

DILI, STLNEWS.co - Reitor Instituto Filosofico Sao Francisco de Sales (IFFS), Pe. Manuel Pinto hatete, reativa aula prosesu aprendizajen, tanba lakon tempu barak ona...
%d bloggers like this: