Agradese Emperazarius, Individus, & Joven; Xanana: Komunidade Kontente, Ita Kontente

DILI, STLNEWS.co – Lider karismatiku Kay Rala Xanana Gusmão ho komunidade Tasi Tolu agradese kontribuisaun emprezarius, joven no indivídus hodi normaliza volume bee lagoa no estrada Maslidun, tanba nee nia kontente bainhira komunidade sira kontente.

Serimonia agradesementu lider karismatiku Xanana Gusmão nee halao iha Domingo (06/06/2021), iha Lagoa, Tasi Tolu.

Tuir aman luta nain Xanana Gusmão hatete, bainhira hahu prosesu ida nee, volume bee makas, nee duni la temi liu neebe mak fo makina, neebe hadia estrada, maibe atu dehan, imi hotu hamutuk, hanesan balu lori hahan, no selu-seluk tan fo ba komunidade. Imi sira nee hamutuk iha prosesu tomak. Neebe latemin liu katak se mak halo estrada diak liu, se mak supa bee diak liu, ou se mak fornese bee diak liu, maibe hotu-hotu hamutuk nudar tim ida.

“Serimonia ida nee atu expresa agradesementu boot, hau hodi Aldeia 12 de Outubru i 12 bairus nia naran mak hatoo agradese ida nee. Itá kontente tanba agora komunidade sira hamnasa, tanba nee apreço boot ba imi hotu neebe partisipa iha nee, tanba komunidade laos hau nian, maibe ita hotu nian,” katak Xanana iha serimonia agradesementu ba emprezarius, joven no individu ba supa lagoa no normaliza estrada.

Nia dehan, ema ida labele halo buat ida, maibe barak hamutuk no partisipa mak ohin rekonese, karik balu naran latemin loron seluk sei temin.

Xanana rekonta, depois de bombeirus sira lori lider nee ba too iha Maslidun, promete katak prioridade hatun volume bee, nunee hotu-hotu mosu mai no halao servisu nunee redus volume bee.

“Povu Timor konta nafatin ho imi nia solidariedade, tanba hotu hotu hamutuk iha tempu difisil mak bele lao. Hodi komunidade Tasi Tolu nia naran, hau fo hakoak boot ba imi,” tenik lider karismatiku nee.

Tuir Xanana, mezmu servisu normaliza estrada, redus volume bee, hamoos uma, no hadia uma balu, maibe iha komunidade balu nia uma bee sei iha, neebe supa lagoa nee sei semana ida tan.

Nunee mos reprezentante kompania atual Diretor Kompania Salimagu Sanção Gomes hatete, hanesan kompania sira nafatin kontinua fo apoiu, hanesan saida mak sira hatudu tiha ona durante nee. Tanba nee atu iha situasaun saida deit mos sira nafatin iha Xanana nia kotuk.

“Hanesan membru X-Team atu reafirma dala ida tan katak ami prontu hamriik iha maun boot nia kotuk hodi lao ba oin,” katak Sanção.

Iha fatin hanesan, Tekniku Prinsipal supa bee lagoa, Dalio Reis hatete, prosesu nee hahu besik fulan 2, ekipa ida supa bee nee hetan agradesementu husi maun boot Xanana, maibe atu dehan katak nee hanesan motivasaun ida ba sira atu kontinua servisu ba povu no rai ida nee.

Nia hatete, ho agradesementu ida nee atu oinsa servisu hamutuk hadia nasaun. Tanba nee nudar ekipa teknik maun boot Xanana dehan katak presiza tan semana ida ba supa lagoa nee sira prontu nafatin.*

Reportajen: Guilhermina Franco/Madalena Horta
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

SEJD Enkontru Ho Lider Artemarsiais

DILI, STLNEWS.co - Sekretariu Estadu Juventude no Desportu (SEJD), halao enkontru ho lider artemarsiais sira iha Timor Leste, kona ba rekezitus artemarsiais nian neebe...

Lori Maromak Nia Domin Ba Ema Hotu

DILI, STLNEWS.co - Nuudar sarani neebe diak iha moris, tenke sai valeta ba ema hotu, atu lori Maromak nia grasa no domin ba maun...

Vota Abstensaun Myanmar, TL Laiha Sentimentu Humana

DILI, STLNEWS.co - Relasiona ho Ministra Negosoiu Estranjeiru no Kooperasaun (MNEK), neebe mak vota abstensaun ba nasaun Myanmar, akademista konsidera Timor Leste laiha sentimentu...
%d bloggers like this: