Agresaun Hasoru Feen, MP Akuza Arguidu Komete VD

DILI, STLNEWS.co – Tribunal Distrital Dili (TDD) iha loron Segunda nee (04/10/2021) liu husi tribunal singular, halao julgamentu ba arguidu inisial DFRSM, neebe halo agresaun hasoru nia feen lezada ho inisial NJR.

Motivu husi problema nee, tanba deit arguidu lanu lakohi ba kore bibi hodi ba hatama iha nia luhan, no ikus mai halo agresaun ba lezada.

Prosesu nee Ministeriu Publiku akuza arguidu ba iha krime violensia domestika ho forma ofensas integridade fisika simples, neebe previstu iha artigu 145 husi kodigu penal, no iha artigu nee mos mensiona katak, se mak ofende ema seluk nia vida, bele hetan prizaun tinan tolu ka multa.

Tuir faktus katak, akontesimentu nee iha loron 15 fulan Novembru tinan 2020, iha arguidu no lezada sira nia hela fatin Ermera Railako, lezada haruka arguidu kore bibi lori ba hatama iha bibi nia luhan. Konsekuensia husi arguidu nia hahalok nee, Ministeriu Publiku akuza arguidu ba iha krime violensia domestika ho forma ofensa inregridade fisika simples neebe previstu iha artigu 145 husi Kodigu penal.

Hatan ba faktus nee, arguidu deklara los hotu.

Momentu neeba mosu problema, motivu mai husi diskusaun konaba bibi. Arguidu rekonese nia lori duni kadeira tuda lezada, no konaba lezada nia liman kanek, sira rua hadau malu katana mak kona lezada nia liman.

 Momentu neeba nia basa duni lezada dala ida. No husi akontesimentu nee sira diak malu ona, to’o agora la iha tan problema ona.

Rona tiha deklarasaun husi arguidu no lezada, tribunal husu ba iha MP atu tama ba iha alegasaun.

Audensia julgamentu nee, prezide husi juiz singular Evangelinho Belo, Ministeriu Publiku reprezenta husi Prokurador Simiao Barreto, arguidu hetan asistensia legal husi Defensor Publiku Henrique Mariz.* Notisia kompletu Lee iha jornal STL edisaun Tersa (05/10/2021).

Reportajen: Terezinha De Deus

Editor: Domingas Gomes

LEAVE A REPLY

Please enter your comment!
Please enter your name here

NEWS UPDATE

Vasina Pfizer Importante Ba Labarik Sira

DILI, STLNEWS.co – Tuir Ministra Saude Odete Maria Freitas Belo dehan, labarik sira presiza simu vasina Pfizer nee, tanba importante tebes hodi bele prevene moras...

Update Covid-19 TL 27 Outubru: Kazu Pozitivu 7 & Rekuperadu Nain 3

DILI, STLNEWS.co – Ohin loron 27 fulan Outubru tinan 2021, liu husi Centro Integrado Gestão de Crises, Sala Situação (CIGC-SS) rejistu tan kazu konfirmadu...

Estudante ESJ Simu Ona Vasina Pfizer

DILI, STLNEWS.co – Eskola Ensinu Sekundariu Jeral (ESJ) 4 Setembru simu ona vasina Pfizer ba doze primeiru, atu nunee bele halo prevensaun ba Covid-19. Informa...