Agrikultor Lamenta Presu Produtu Lokal

DILI, STLNEWS.co – Povu agrikultor sira lamenta tebes ho presu produtu lokal, neebe kompania sira ba sosa hodi fahe ba programa sesta bazika nian.

Sira simu batar uut kilo ida ho presu US$ 1,50, foos kilo 5  ho presu US$ 8,50, maibe kompania ba sosa iha agrikultor, haree kulit kilo ida 0,50 sentavos, batar kilo ida 0,30 sentavos, tan nee halo agrikultor lamenta.

“Povu agrikultor barak mak halerik, no husu ba governu atu hadia kustu nee, ho nunee bele motiva agrikultor sira badinas nafatin, karik governu la hadia presu, susar tebes ba povu atu hasae produsaun ai-han iha rai laran, tanba povu badinas no presu mos tenke diak, labele benefisiu liu ba kompania sira,” kestaun nee fo sai husi reprezentante povu iha uma fukun Parlamentu Nasional, Deputadu Alexandrino Cardoso ba STL Kinta nee (07/10/2021/) iha PN.

Nia katak, agrikultor sira bele badinas produs, maibe governu tenke determina lolos, ka kria presu justu, nunee kompania sira ba sosa karik, bele lao tuir tabela presu neebe iha, selae hanesan ai-han neebe distribui iha sesta bazika, kompania ba sosa iha agrikultor sira ho folin baratu, lori ba fali sesta bazika folin sae dupla, tanba nee tenke toma atensaun ba agrikultor sira nia halerik nee.

Iha fatin hanesan, Deputadu Antonio da Conceição hatutan, atu motiva agrikultor sira badinas produs ai-han rai laran, governu tenke kria presu neebe justu, nunee bele fo mos benefisiu ba povu agrikultor sira iha baze.*

Reportajen: Madalena Horta

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...