Agrikultores Maliana Presiza Makina Koa Hare

DILI, STLNEWS.co – Agrikultor sira iha Maliana presiza tebes makina koa hare nian, tanba nee bankada PLP husu ba ministeru relevante atu bele fo apoiu makina koa hare nian.

Tuir Deputada Bankada PLP, Domingas do Santos hatete, oras nee dadauk iha Maliana halo ona koleta hare ba tinan nee, hare iha Maliana diak teb-tebes.

“Maibe tanba uza sistema manual koa hare han tempu no kustu neebe aas, tanba nee sira presiza makina koa hare, agora dadaun iha makina koa hare ida deit halo agrikultores sira hadau malu. Entaun sebele karik ministeriu relevante bele aloka tan makina koa hare nian 2 ka 3 ba iha parte neeba,” dehan nia iha PN, Kuarta (05/05/2021).

Nia hatutan, funsionariuu agrikultores iha Munisipiu Bononaro nian hatete, lokasi natar neebe iha maliana nee luan tebes entaun presiza tebes makina koa hare nian, tanba nee husu atu bele fo apoiu makina koa haree nee ba iha neeba.

Iha fatin hanesan Deputadu Bankada KHUNTO, Antonio Verdial katak, importasaun fos husi rai liur bele disponivel nafatin maske hetan susesu husi dalan negosiasaun ho rai neebe exporta fos laiha garantia ba nia kualidade ka sustentabilidade fornesimentu.

Nia hatete, haree ba impaktu seguransa ai-han nian jeralmente liu-liu ba estadu nutrisaun no saude husi grupu vulneravel sira iha sosiedade nia leet, bele sai boot liu duke efeitu husi virus nee rasik. I haree ba realidade no dadus estatistika ba saude no nutrisaun, ita nia rai husu ema atu han menus liu mak laos solusaun neebe diak.*

Reportajen: Domingas Soares/Guilhermina Franco
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Tribunal Ferias Judisiariu Too 15 Setembru

DILI, STLNEWS.co - Tribunal sira sei ferias judisial hahu husi loron 1 fulan Agostu too loron 15 fulan Setembru tinan nee. "Tribunal sira sei hahu...

Ema Ho Defisiensia Matan Vasina Kompletu Ona

DILI, STLNEWS.co - Ema ho defisiensia matan oras nee kompletu hotu ona vasina. Kestaun nee hatoo husi Diretor Ezekutivu Asosiasaun Halibur Defisensia Matan Timor-Leste (AHDMTL),...

AHDMTL Relata Preokupasaun Servisu MS No Jaringan Lento Ba PR

DILI, STLNEWS.co — Asosiasaun Halibur Defisiensia Matan Timor-Leste (AHDMTL), relata preokupasaun serbisu Ministeriu Saude nia nomos jaringan lento ba Prezidente Republika Francisco Guterres Lú...
%d bloggers like this: