“Purtantu, iha insendiu ida nee la rezulta ema ruma kanek, so kauza sasan uma laran mak aat husi parte neebe mak ahi han,” dehan nia.
Iha biban nee, nain ba uma Alberto Antonio da Costa Ximenes hatutan, bainhira nia beioan ida ba fase hela fos atu tein sasoro ba bebe nia, tanba nee nia tama mai haree ahi oan fiska fali, depois hanoin karik ahi mak atu mate fali, la kleur haree ahi suar, entaun nia hakilar ba hodi bolu, atu lalais asegura, maibe haree ba ahi suar makaas, entaun sira la konsege tama ba haree.
“Tanba nee, ami hasai mak sasan importante sira nee husi kotuk, tanba ami nia kuadru ida iha nee aat tiha ona, entaun ahi monu tun mai kuadru, maibe la tama,” dehan nia.
Entretantu, antes nee iha ona sinal sirkuitu no lakan normal hela, depois familia vitima tenta telefone EDTL, maibe EDTL la halo intervensaun.
“Sim, nee antes natal kedas, telefone dala rua, dala tolu tan karik, sira mai loke haree deit ba fali ona, laiha buat ruma kanek,” hakotu nia.
(efi)
