Ahi Mate Lakan Estraga Sasan Eletroniku

DILI, STLNEWS.co – Eletrisidade kontinua mate lakan hodi estraga Parlamentu Nasional nia sasan aat, nomos komunidade sira nia sasan eletroniku sira sai aat hotu, tanba nee husu ba governu, liu husi Ministeriu Obras Publiku atu toma atensaun, ka selu fali ema nia sasan neebe estagus.

Preokupasun nee hato’o husi reprezentante povu iha uma fukun  Parlamentu Nasional, Deputadu Maria Fernanda Lay liu husi sesaun plenaria, Segunda nee (04/10/2021) iha nia knaar fatin PN.

“Uluk Eletrisidade de Timor Leste (EDTL) seidauk sai empreza publiku,  ministru balun mai dehan, bainhira EDTL ho SAS tranforma ba empreza publiku, mak ahi sei la mate lakan, maibe realidade ahi kontinua mate hodi estraga sistema sinoru iha PN aat, no komunidade nia sasan eletroniku hanesan jeleira, televisaun, rice cooker no sasan eletroniku sira seluk hetan estragus, kauza ahi mate lakan, tan nee husu  responsabilidade ba EDTL EP atu hadia komunidade nia sasan neebe aat, tan deit impaktu husi ahi mate lakan,” dehan Maria Fernanda Lay.

Nia katak, hanesan kliente, povu iha direitu atu hakilar, tanba EDTL ho SAS sai ona empreza publiku, sira nia salariu boot, tenke fo atendimentu  neebe diak ba kliente sira, labele halimar ahi mate lakan hodi estraga ema  nia sasan eletroniku sai aat hotu, husu Ep atu responsabliza povu nia sasan eletroniku neebe aat.

Hatan ba preokupasaun nee, Ministru Asuntu Parlamentar e Komunikasaun Sosial (MAPKOMS) Francisco Jeronimo hatete, ahi mate lakan hodi estraga  kliente sira nia sasan aat, mak nia parte sei hato’o ba iha ministeriu relevante hodi toma atensaun, tanba povu sosa pulsa mak hodi naroman,  no povu selu bee mak hodi konsumu.*

Repprtajen: Madalena Horta

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Vasina Pfizer Importante Ba Labarik Sira

DILI, STLNEWS.co – Tuir Ministra Saude Odete Maria Freitas Belo dehan, labarik sira presiza simu vasina Pfizer nee, tanba importante tebes hodi bele prevene moras...

Update Covid-19 TL 27 Outubru: Kazu Pozitivu 7 & Rekuperadu Nain 3

DILI, STLNEWS.co – Ohin loron 27 fulan Outubru tinan 2021, liu husi Centro Integrado Gestão de Crises, Sala Situação (CIGC-SS) rejistu tan kazu konfirmadu...

Estudante ESJ Simu Ona Vasina Pfizer

DILI, STLNEWS.co – Eskola Ensinu Sekundariu Jeral (ESJ) 4 Setembru simu ona vasina Pfizer ba doze primeiru, atu nunee bele halo prevensaun ba Covid-19. Informa...