Ahu-Kdesan Matebian Antonio Too Ona Dili

Ahuk desan matebian Antonio Belo too ona iha Aeroportu internasional Nicolau dos Reis Lobato, Comoro, iha Segunda ohin (15/03/2021) ho Aviaun Euroatlantic, Boeing 767-300 ER, hamutuk ho passajeirus nain 197. (Foto: STL/Donaciano Magalhães)

DILI, STLNEWS.co – Ahu-Kdesan matebian Antonio Belo too ona iha Aeroportu internasional Nicolau dos Reis Lobato, Comoro, iha Segunda ohin (15/03/2021) ho Aviaun Euroatlantic, Boeing 767-300 ER, hamutuk ho passajeirus nain 197.

Observasaun jornalista STL iha terrenu nota katak, famila matebian Antonio Belo ho laran triste, neebe nakonu ho domin, hodi simu matebian nia ahuk desan nee. Alende nee mos akompania husi eis Presidente da Republika, Dr. Jose Ramos Horta.

Iha aeroportu, STL tenta intrevista ho famila husi matebian, Je Mestri hateten, familia tomak sente triste tebes tanba lakon ona maun doben ida. Nee maka nia ba vizita nia maun alin balu iha Lisboa, no momentu iha neeba nia hetan moras no baixa iha hospital, no fim Maromak bolu nia ba iha kadunan Santo, no durante fulan ida resin nia iha neeba.

“Ho corona neebe iha so halo deit komunikasaun via telefone, mesmu familia iha Dili hakarak atu ba maibe situasaun neebe mak mundu tomak hasoru, nee mak realidade neebe maka iha,” nia katak.

Nia hatutan, familia tomak sente triste, tanba lakon ona maun ida neebe mak laran luak tebes, neebe ho domin sempre hakuak familia hotu.

Aleinde nee ho espresaun triste eis Prezidente Dr. Ramos Horta hateten, antes nee nia rasik mos akompana matebian Antonio Belo sei moras iha Portugal.

“Hau rasik hatete ba nia, iha fulan Dezembru liu ba, tanba ami konese malu desde tempu Liseu ho hau, hanesan maun alin nunka haluha malu,” hatete Horta.

Iha biban neemos eis Prezidente nee hateten, mesmu loron ohin matebian hamutuk ona ho familia sira seluk nomos lider heroi Timor sira neebe maka ba ona iha mundu seluk, maibe sira nia espiritu sei moris nafatin.*

Reportajen: Ekipa STL
Editora: Domingas Gomes

LEAVE A REPLY

Please enter your comment!
Please enter your name here