AIFAESA Halo Inspesaun Lor-Loron

(Foto: Pajina Facebook AIFAESA. IP)

DILI, STLNEWS.co – Autoridade de Inspesaun Fiskalizasaun Atividades Ekonomika, Sanitaria no Alimentar (AIFAESA), kada loron sempre halo inspesaun ba atividades negosiu neebe halao iha rai laran.

Koordenador AIFAESA, Abilio Oliveira Sereno hatete, AIFAESA laos loron boot mak halo inspesaun ba atividades negosiu, maibe kada loron sira sempre halo sira nian servisu hanesan bai-bain.

Nia hatutan, inspesaun nee halao iha tuku 9 dader too tuku 12 meudia no tuku 2 ho balun kontinua too fali tuku 5 loraik.

“Lei neebe mak atu regula presu, sasan higene, nee hau hanoin atu tama iha loron boot ka loron la boot nee hanesan deit, ami nia servisu nee laos loron boot halo kontrola, maibe ami halo inspesaun lor-loron, hahu tuku 9 too tuku 12, depois hahu fali tuku 2 ho balun too fali tuku 5,” dehan Abilio ba STL, iha Otel Novo Turizmu, Bidau Lecidere, Dili, Tersa (22/12/2020).

Abilio afirma, se mak halo atividades negosiu la tuir lei AIFAESA se haree, maibe AIFAESA sei hamutuk ho emprezariu, hodi esplika ba sira kona ba lei neebe iha.*

Reportajen: Jacinta Sequeira/Madalena Horta
Editor: Ekipa STL

LEAVE A REPLY

Please enter your comment!
Please enter your name here