AIFAESA Prende Sigaru Ilegal Iha Merkadu Taibesi

DILI, STLNEWS.co – AIFAESA halo inspesaun iha Merkadu Taibesi hodi prende sigaru sira neebe mak bandu atu labele faan iha merkadu, sigaru sira nee mak hanesan Surya no Joker.

Tuir Luis Casamiro Lopes hanesan negosiante neebe AIFAESA prende nia sigaru hatete, triste tebes iha situasaun ida hanesan nee, AIFAESA bele tun prende hotu sigaru sira nee, tanba povu kiik moris ho vida negosiu.

“Ami hatene katak sigaru Surya ho Joker nee lei bandu atu labele faan iha merkadu rai laran, maibe ami povu kiik nia moris depende ba negosiu, tanba nee ema lori sigaru mai faan baratu ami hola deit, funan US$ 1 ka US$ 2 mos osan,” dehan negosiante Luis Casamiro Lopes  ba jornalista, Tersa nee (07/09/2021) iha Merkadu Taibesi.

Nia afirma liu tan, karik ema lori mai mak faan karun karik sira sei la sosa, maibe ema lori mai faan baratu hela, no sura ba mai hetan US$ 1 ka US$ 2, tanba nee hanesan negosiante kiik tenke sosa manan oituan.

Iha fatin hanesan, Teresina da Costa hanesan Negosiante neebe ema tilan nia sugaru hatutan, sira hatene katak sigaru nee ema bandu atu labele faan iha merkadu, maibe ema sira neebe fuma mai husu mos barak, tanba nee mak ema lori mai faan ho folin baratu sira mos sosa hodi faan rahun, masu ida US$ 2 faan slop ida US$ 16.

“Ami sosa husi ema sira neebe lori lao nee, sira faan fo ami slop ida US$ 14 no ami faan fali ba US$ 16 slop ida, ami hetan US$ 2, maibe ohin governu mai prende hotu kedas halo ami nia osan inan ba tomak, la hatene ho situasaun agora nee ami atu hola osan iha neebe hodi sustenta ekonomia familia,” dehan negosiante nee ho triste.

Hatan ba kestaun nee Inspektur Jeral AIFAESA Ernesto Monteiro hatete, liga ba lei nu 14/2016  bandu tabaku ilegal labele faan iha rai laran, tanba nee mak ekipa husi AIFAESA servisu hamutuk ho Polisia Servisu Investigasaun Kriminal (PSIK) hodi mai halo inspesaun iha Merkadu Taibesi hodi identifika tabaku joker nee hamutuk 117 plastik no surya kaisa 3, tabaku sira nee ilegal hotu, signifika sasan sira nee tama husi dalan tikus mai.*

Reportajen: Madalena Horta

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Horta Husu Komunidade Fo Resposta Los Ba Ajente Enumerador

DILI, STLNEWS.co - Prezidente Republika (PR), José Ramos Horta, husu ba komunidade sira atu fo resposta neebe los ba ajente enumerador sira neebe halo...

Kazu Droga TDD Aplika Medida AP Ba Arguidu Nain 9

DILI, STLNEWS.co - Tribunal Distrital Dili (TDD) iha loron Segunda nee (15/08/2022) liu husi despaisu ikus ba prosesu primeiru interogatoriu (AP), desidi aplika medida...

Governu Lansa Sensus Populasaun & Uma Kain 2022

DILI, STLNEWS.co - Governu liu husi Ministeriu Finansas (MF) Segunda nee ofisialmente lansa sensus populasaun no uma kain iha tinan 2022 nee. Iha fulan Marsu...