AJAR Konkorda MAE Hafoun Aldeia – Suku – Postu

Program Officer ASIA Justice and Rights (AJAR), Inocencio Xavier. (Foto: STL/Santina Castro)

DILI, STLNEWS.co – Sosiedade Sivil iha rai laran konkorda planu Ministeriu Administrasaun Estatal (MAE) nian, neebe atu aumenta tan Aldeia, Suku no Postu Administrativa foun, hodi lori atendementu publiku besik ba populasaun.

Program Officer ASIA Justice and Rights (AJAR), Inocencio Xavier hatete ezijensia lei wainhira Ministeriu Administrasaun Estatal realiza planu ida nee, tanba tuir lei mos hatete ona katak rekezitus atu forma aldeia nee total iha uma kain hira, iha suku nee uma kain hira no postu nee iha uma kain hira, wainhira prense ona rekezitus sira bele ona sai aldeia ba suku no suku ba postu.

“Hau fo ezemplu suku Comoro bele sai suku rua, tasi tolu aldeia 12 Outobru bele suku ida, no suku Comoro bele sai postu administrativu ida, tanba ho razaun atendementu publiku, se wainhira populasaun barak liu ho rekursu administrasaun publiku neebe lasufisiente, afeta ba atendementu publiku, nee sentralizasaun administrativa nee lakonsege tanba ita hare hanesan iha aldeia 12 de Outobru besik 2 mil ital habitantes nee boot liu no liu ona rekezitus neebe iha, entaun nee oinsa maka xefe aldeia ida bele atendementu hodi kobre bairu 13 iha aldeia 12 Outobru, tanba nee difikuldade,” dehan nia.

Husi nia pontu de vista nia apoiu MAE, maibe nia apoiu nee ho insentidu tenke bazeia ba prensemnetu rekezitu sira, ezemplu nia sai aldeia tanba hetan ona xefe uma kain 30 no nia sai suku ida tanba nia prense ona xefe da familia uma kain 500, tanba nee bele prense ona kriteira atu forma aldeia ba suku no suku ba postu ida.

Tanba nee la sala wainhira MAE realiza planu nee, tanba bele lori administrasaun publiku besik ba sidadaun sira, tanba ida nee importante bele tratamentu kartaun sira bilete identidade deklarasaun sira lapresiza atu halo viagem ba dook.

“Se wainhira planu nee MAE realiza lori duni benifisiu partikularmente iha atendementu publiku sira iha administrasaun sira besik, tanba nee bele minimiza ona kustu transporte no movimentasaun populasaun sira nian,” dehan nia.

Nia hatutan, hare iha parte ida hanesan iha aldeia balun eziste to agora mos seidauk iha dezenvolvimentu, maibe ba hamosu tan aldeia, suku no postu foun, nee razaun ida los, maibe nee hare ba parte ida sira mos infrenta hotu ba asuntu rua nee, bainhira bee laiha no atendementu publiku mos dook, nee signifika katak sira infrenta problema ba asuntu rua nee hotu.

Tanba nee diak liu populasaun sira balun iha aldeia sei infrenta bee mos maibe administrasaun publiku nee besik ba sira, duke iha asuntu rua nee sira lahetan hotu.*

Reportajen: Santina Cardoso
Editora: Carme Ximenes

LEAVE A REPLY

Please enter your comment!
Please enter your name here