AJAR Lamenta Governu Fo Subsidiu Ba FP, Prezuiju Ba Povu

DILI, STLNEWS.co – Sosiedade Sivil Asia Justice and Rights (AJAR) lamenta ho politika governu nia, atu fo subsidiu ba Funsionariu Publiku, tanba sira hetan salariu permanente, maibe povu sei hakilar hela hamlaha durante implementa Serka Sanitaria (SS) no Konfinamentu Obrigatoriu (KO).

Kestaun nee hato’o husi Diretor Ezektivu AJAR, Jose Luis de Oliveira ba jornalista liu husi telefone, Tersa nee (21/09/2021).

“Ida nee lamentavel tebes, funsionariu hetan salariu permanente, enkuantu povu ho KO nee lakon rendimentu, no governu laiha programa ruma atu ajuda povu, maibe aumenta tan subsidiu ba funsionariu neebe laiha prestasaun diak ba atendimentu povu. Nee hanesan deit, governu haburas diskrepansia sosial, nunee hatudu momos, governu laos servisu ba povu nian diak, maibe ba sira nian an rasik,” hatete diretor nee.

Nia hatutan, se apoiu subsidiu ba funsionariu nee hanesan deit, gasta osan ba fasilita funsionariu sira, no laos fo subsidiu ba povu hodi bele fasilita produtu lokal.

Nunee mos Vise Diretor Hak, Filomena dos Reis katak, kada funsionariu servisu iha ona abonu familia kalae, tanba salariu entre funsionariu sira la hanesan. Se governu hanoin ona fo abonu familia ou subsidiu diak, tanba funsionariu hanesan makina de estadu, maibe governu mos tenke hatene haree mos povu.

“Governu mos tenke haree komunidade no povu sira neebe kbiit laek, laiha liu nesesidade baziku atu koresponde ba moris,” dehan nia.

Nia afirma liutan, inundasaun neebe mak akontese iha fulan hirak liu ba, komunidade sira barak uma seidauk iha, no povu atu sai buka osan mos ladiak, tanba implementa hela KO no SS.

Nia hatutan, iha programa katak, governu hasai povu husi kiak no mukit, maibe realidade hatudu laiha, tanba povu neebe mak hela iha kapital Dili, balun seidauk moris ho saudavel lolos ho situasaun ukun rasik an nia laran.*

Reportajen: Emerenciana Pinto

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 20 Outubru: Kazu Foun Hamutuk 16

DILI, STLNEWS.co - Ohin loron Sentru Integradu Jestaun Krize (SIJK) rejistu kazu foun hamutuk 16, iha Dili 14 no munisipiu seluk iha nain 2. "Kazu...

Membru F-FDTL Foun Ida Halai Lakon

DILI, STLNEWS.co - Membru foun FALINTIL Forsa Defeza Timor Leste (F-FDTL) ida ohin halai lakon iha sentru formasaun Metinaro tanba la augenta ho instrusaun...

Maromak La Dukur Ba Nia Ema

DILI, STLNEWS.co - Maromak mak iha kbiit tomak sempre akompanha ema hotu iha tempu saida deit no nunka dukur ba ema, tanba ne'e presiza...