AJAR Lamenta Servisu Alfandega no Servisu Konjunta Fronteira

Program Officer ASIA Justice and Rights (AJAR), Inocencio Xavier. (Foto: STL/Santina Castro)

DILI, STLNEWS.co – Sosiedade sivil lamenta ho servisu PNTL, liuliu Alfandega no servisu konjunta iha lina Fronteira neebe lahatudu profisionalizmu, tanba falla identifikasaun droga.

Lamentasaun nee hatoo husi Program Officer ASIA Justice and Rights (AJAR), Inocencio Xavier ba STL, iha nia knaar fatin, Farol, Dili, Segunda, (25/01/2021).

Nia dehan, hanesan ema kristaun katolika lamenta ho servisu PNTL nian liuliu ida neebe servisu iha lina fronteira, tanba ema neebe maka hein odamatan nee Alfandega sira, Imigrasaun, Polisia Intelijen sira husi sivil militar iha neeba barak tebes, maibee ikus nia rezutadu maka nee, nee buat ida neebe maka estrainu no presiza iha kapasitasaun diak liu tan.

“Hau hare katak nee fallansu husi Alfandega no servisu konjunta husi fronteira nian, sira maka lahatudu sira nia profisionalizmu ba identifikasaun sasan sira nee,” dehan Inocencio.

Nia hatutan, governu presiza sosa tan ekipamentu neebe mais kualidade, atu bele ajuda servisu PNTL nian iha prosesu identifiksaun, ba datekta sasan sira neeebe maka kontra bandu.

“Hau sujere katak padre sira bele halo rekursu no hato keisa hodi bele hetan naran diak, tanba nee akuzasaun neebe maka lalos no to iha pembuktian terbalik nee lahatudu, tanba nee atu salva guarda kredibilidade Igreja nian, tanba droga nee laos buat diak nee krime, depois de buka lahetan oinsa maka atu dehan ba, nee responsabilidade instituisional,” dehan nia.

Nia mos husu Amu Bispo Baucau, atu halo ida nee liu husi padre sira neebe maka konesementu diak iha area legal no mos madre sira no sidadaun sira neebe maka iha kualidade diak bele halo keisa hasoru PNTL sira hodi bele ganti ruggi ema nia naran, tanba nee estraga ema nia naran, liuliu madre ida neebe asina ba Estatua nee, inklui amu paroquia no sarani sira Lospalos.*

Reportajen: Santina Castro
Editora: Carme Ximenes

LEAVE A REPLY

Please enter your comment!
Please enter your name here