AJTL Hatama Karta Defeza Ba PN

Asosiasaun Jornalista Timor Leste (AJTL) ohin mai hatama karta defeza ba iha Parlamentu Nasional, relasiona ho kolega petisionariu sira kestiona kona ba kongresu AJTL neebe hili ninia reprezentante ba iha Konsellu Impresa. (Foto: STL/Donaciano Magalhães)

DILI, STLNEWS.co – Asosiasaun Jornalista Timor Leste (AJTL) ohin mai hatama karta defeza ba iha Parlamentu Nasional, relasiona ho kolega petisionariu sira kestiona kona ba kongresu AJTL neebe hili ninia reprezentante ba iha Konsellu Impresa.

“Asosiasaun Jornalista Timor-Leste (AJTL) ohin prezensa iha Parlamentu Nasional atu lori deit karta defeza mai iha parlamentu tanba ita hotu hatene katak, iha tinan 2020 ka fulan hirak liu ba kotuk kolega petisionariu sira kestiona kona ba kongresu AJTL neebe hili ninia reprezentante ba iha Konsellu Impresa, neebe ami hanesan asosiasaun iha direitu mos atu mai halo auto defeza ba iha PN no karta neebe dirize ba iha PN atu sira bele tetu didiak, atu nunee foti desizaun ba oin karik tenke ho realidade no lei neebe maka iha tanba nee maka ohin ami mai iha nee,” dehan Protavos AJTL, Acacio Pinto, ba jornalista sira iha PN, Kinta (14/01/2021).

Nia dehan, karta nee iha esplikasaun barak, depois hein husi komisaun A rasik neebe maka sei halo evalusaun, karik sira bolu, AJTL prontu atu mai halo esplikasaun klean ba iha karta neebe maka hatama.

Foto: STL/Donaciano Magalhães

“Maibe atu viola ka la viola ita hotu lao tuir lei, tanba iha kongresu konferensia nee kongresista sira maka deside estrutura no ita la deside mesak, entaun ami la hetene katak, ami kontra lei ka la kontra lei, depois maka ita haree nia kontinuasaun iha uma fukun parlamentu atu deside oinsa karik kolegas sira iha isu katak sira hakarak lori ba tribunal, AJTL prontu atu koopera no kontinua lao nafatin atu nunee liberdade imprensa iha Timor kontinua metin liu tan,” haktuir nia.

Nia hatete, tanba ita asosiasun sira ho jornalista sira maka kritika malu ida nee pasu diak ba ita hotu, atu nunee ita bele halo mudansa diak liu tan tuir lei neebe maka ita iha.

“Iha kontiodu karta nee ami halo defeza de onra ba AJTL, tanba iha neeba kestiona kona ba AJTL nia naran hili mos reprezenta neebe maka AJTL deside ona ba iha Konsellu Imprensa nia naran, entaun hanesan mos asosiasaun iha mos diretu atu fo defeza ba nia aan no ba publikasaun sira neebe maka durante nee media halo, tanba durante nee AJTL la hetan karta verbal ruma husi petisionariu sira maibe derepente mai iha PN ami hakfodak,” salenta nia.

AJTL nunka kestiona tanba iha kongresu nee maioria aseita, laiha ema ida hiit liman dehan katak, kontra artigo ida nee, neebe tenke kansela tiha nia konferensia nee laiha. Maibe depois konferensia nee hotu iha kexia husi kolega jornalista sira neebe maka iha asosiasaun seluk nomos iha AJTL rasik mos ema iha laran para atu halo keixa.

“Entaun ami mai iha nee atu hatene, tanba ami seidauk hatene karta kontiodu lolos atu ataka AJTL ka atu ataka ema, entaun nee iha karta nee ami esplika bazeia ba publikasaun sira neebe maka halo ona iha media.” dehan nia.

Foto: STL/Donaciano Magalhães

Nia akresenta, hanesan asosiasaun fo livre opiniaun publiku ba sidadaun hotu-hotu liu-liu ba kolega jornalista sira neebe iha asosiasaun seluk, AJTL la taka dalan.

“Neebe ami sente katak kongresu maka boot liu atu hili saida deit, entaun maioria diside iha neebe ami hanoin katak nee tuir lei, maibe agora iha ona prontu ita koopera malu oinsa atu responde ba ita nia nai ulun sira nia preokupasaun balun, AJTL prontu atu ba esplika saida maka ami halo,” hakotu nia.

Reportajen: Domingas Soares/Guilhermina Franco
Editor: Crisogono Magalhães

LEAVE A REPLY

Please enter your comment!
Please enter your name here