Akademika Louva Inisiativa Governu Implementa Serka Sanitaria

Eis Reitor UNTL, Francisco Miguel Martins. (Foto: Espesial)

DILI, STLNEWS.co – Akademika louva inisiativa neebe governu no estadu defini, hodi implementa serka sanitariu iha kapital Dili, tanba bele kuida povu husi moras covid-19.

Tuir eis Reitor UNTL, Francisco Miguel Martins katak, sidadaun hotu tenke kumpri regras neebe mak fo sai husi estadu, para atu proteje ninia sidadaun hotu iha rai laran, para atu labele afeita ba saude ema ida-idak nian, ho ida nee ema hotu presiza kumpri, ho nunee bele haree situasaun neebe bele afeita ba ema nian vida moris,parte akademiku apoiu masimu ba serka sanitariu neebe governu no estadu defini ona.

“Portantu akademiku apoiu tomak ba serka sanitariu neebe mak estadu no governu defini, atu bele proteje ninia sidadaun tomak, liu-liu iha Dili, tanba ita haree iha nasaun seluk ema mate barak, entaun ita nian estadu no governu ninia servisu ida neebe diak no kapas tebes, hau louva tanba prestasaun servisu ida prevensaun nee kapas tebes, ida nee mak ita presiza apoiu maximu tan ba servisu neebe ita nian estadu halo, bele sai realidade servisu neebe diak no proteje ita tomak, para labele afeita ba moras ida nee,” dehan Francisco ba STL, hafoin sosa sasan iha supermerkadu W-four Audian, Kinta (11/03/2021).

Nia dehan, serka sanitariu neebe governu implementa ida nee hanesan meius ida neebe governu no estadu bele kuida nia povu husi pandemia Covid-19, husu ema hotu presiza analiza, tenke hatene tuir saida mak ida nee, ho ida nee presiza hatene moras Covid-19, neebe iha nasaun seluk ema barak mate.

“Uluk hau hatete tiha ona, inimigu ida ita nunka hetan, tantu mai husi oin ka kotuk, ou mai husi leten ka kraik, nee ita nunka atu hetan, tanba derepenti kona tiha mak ita foin hakfodak, agora publiku iha balun la fiar ida nee,no publiku hakarak haree ho matan,hau hanoin ida nee ita nian estadu no governu hakarak halo prevensaun neebe makaas ba ninia sidadaun tomak, atu nunee labele afeita moras ida nee, ida nee katak, ema hatene kaer ukun ba ninia nasaun, hodi kuida nia populasaun husi moras ida nee. Agora publiku kestiona dehan Covid-19 nee bosok ten, nee ninia opiniaun, maibe kuandu estadu ida hola konsiensia, hola medidas ida para halo prevensaun,nee atu kuida ninia sidadaun,” tenik nia.*

Reportajen: Jacinta Sequeira/Blandina Mauno
Editor: Ekipa STL

LEAVE A REPLY

Please enter your comment!
Please enter your name here