Akademista Dun Governu Produs Covid-19 Iha TL

DILI, STLNEWS.co – Akademista iha rai laran dun governu produs Covid-19 iha Timor Leste (TL), tanba pasiente balun neebe sofre moras asma mos ekipa vijilansia Ministeriu Saude lori ba sulan iha izolamentu Vera Cruz.

Tuir akademista atual Vise Reitor III UNDIL, Hugo Lourenco, katak Covid-19 neebe dadaun akontese iha Timor Leste nee tendensia politika deit, tanba haree husi referensia mediku sira iha nasaun Indonezia, Xina no Europa nomos Amerika barak mate ona wainhira infrente moras nee.Tanba sira hanesan primeira pessoa neebe hasoru direita pasiente Covid-19.

“Agora iha Timor Leste nee ita nia mediku sira fasilidade prevensaun ba sira mos la iha aimoruk, maibe atendimentu mediku sira ba pasiente barak no agora sira balun seidauk infeitadu grave ka mate ba moras nee, no pasiente balun mos seidauk hatudu indikadu ruma tan mak halo fali corona politika, agora sira ba kaer hotu ema sira neebe sofre moras asma nee ba tau hotu izolamentu posiblidade sira bele mate,” dehan Hugo ba STL, liu husi telefone, Kuarta (17/03/2021).

Nia dehan, Covid-19 iha Timor nee governu mak kria deit hodi manan osan, tanba agora kada pesoal saude ida nia perdiam $100 dolar loron ida no kiik liu mak $40 nee, maski ate ohin balun seidauk simu.

“Hau la fiar katak modelu transmisaun lokal ida agora nee, tanba nee hanesan senariu ida neebe ke la rasional tanba pasiente balun pozitivu no la daet ba nia familia sira, maibe vizinu sira mak kona fali, tanba tuir loloos nee moras nee wainhira ema neebe halo kontaktu direita sempre kona hotu, frakeza governu nee iha nee, ita hakarak subar liman maibe ain sai hela,” nia esplika.

Tuir nia, Covid-19 neebe mosu iha nasaun seluk ho Timor Leste nee diferente tebes, tanba wainhira mosu iha sidadaun Wuhan (Xina) tama to Amerika nee ema mate hira, maibe iha Timor Leste wainhira mosu kazu transmisaun, Ministeriu Saude fo sai informasaun katak povu labele preokupa no paniku tanba potensia transmisaun nee kiik liu, nee horbainhira mak kazu pozitivu nee iha tia ona mak potensia transmisaun lokal nee la iha, nee buat ida neebe latama ema nia kakutak.*

Reportajen: Alberto Menezes
Editora: Carme Ximenes

LEAVE A REPLY

Please enter your comment!
Please enter your name here