Akademista Husu Governu Aplika EE Deit

DILI, STLNEWS.co – Akademista husi Dili Institute of Technology (DIT), Domingos Barreto husu governu aplika Estadu Emerjensia (EE) deit, lalika serka sanitaria no konfinamentu obrigatoriu, atu nunee atividade bele lao.

“Hau hanoin serka sanitaria, konfinamentu obrigatoriu se bele hamos tiha, ita uza fali uluk estadu emerjensia, tanba iha Timor, Covid-19 afetadu laiha, taka mak fronteira, aeroportu, nee mak kontrola makas, halo sistema hanesan baibain estadu emerjensia, povu ba mai atividade lao, importante kumpre regras protokolu saude nia, ita halo tuir uza maskra, fase liman ho sabaun,” dehan Domingos ba STL liu husi telefone, Kuarta (12/05/2021).

Nia haktuir, governu fila fali ba loke deit estadu emerjensia, serka sanitaria ho konfinamentu obrigatoriu hamos tiha, tanba nia impaktu boot tebes.

“Ita Timor nee EE ba dala-13 ona, serka sanitaria iha prosesu nia laran, konfinamentu obrigatoriu mos hanesan, ba oin hau hanoin nafatin ho EE deit, hodi nunee bele rekopera ekonomia.” dehan nia.

Nia dehan, kuandu EE deit, ema uza maskra, fase liman, no distansiamentu sosial ema hotu-hotu bele lao diak. Iha nasaun seluk ema taka fronteira, maibe atividade lao nafatin tanba ekonomia paradu impaktu husi estadu emerjensia, serka sanitaria, no konfinamentu obrigatoriu susar ba sira nia moris, liu-liu povu kiik sira laiha rendimentu oinsa bele sustenta familia.

Nia haktuir, governu aplika konfinamentu obrigatoriu hotu-hotu tenke kumpre no ema labele halo atividade.*

Reportajen: Joaninha Belo
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

URA Feto Sempre Apoiu Mane

DILI, STLNEWS.co – Tempu difisil feto sempre apoiu mane iha luta ba Ukun Rasik An (URA), ikus hetan independensia, kontribuisaun konta hotu feto ho...

Loron Ba Loron Jose Nia Rendimentu Menus

DILI, STLNEWS.co – Negosiante Jose Nascimento Nunes, neebe faan ropa obralan iha area Bairru Pite, sente triste ho situasaun pandemia Covid- 19 nee, tanba...

Kandidatu An PR, Tenke Hatene Linguistika

DILI, STLNEWS.co – Jurista Timoroan Sergio Dias Quintas dehan, individu neebe hakarak kandidatu ba Prezidente Republika (PR), tenke hatene linguistika no labele sai opozisaun. "Primeiru,...
%d bloggers like this: