Akademista Husu Governu Hapara SS no KO

DILI, STLNEWS.co – Observasaun Akademista husi Universidade Dili (UNDIL) Vice Reitor III, Hugo Lourenço da Costa hatete, governu diak liu hapara serka sanitaria (SS) no konfinamentu obrigatoriu (KO) iha kapital Dili, tanba povu oras nee hamlaha no balun lakon serbisu.

Nia hatete, governu diak liu hapara ona SS, tanba povu hamlaha no lakon serbisu, dezempregu hahu aas, automatikamemte hamlaha, tanba nee hapara SS no KO, nunee povu halao nia atividade lor-loron hanesan tempu normal.

“Sei governu taka atividade komunidade nian, maibe governu rasik hanesan MSSI no CCD tau ema hamutuk sem distansia sosial, neebe lalika ona lohi povu ho transmisaun lokal, serake MSSI rasik horas nee ema nakonu lor-loron laiha tok covid ida maka mosu. Se lae ita utiliza fali covid nuudar instrumentu politika atu asegura poder,” dehan Akademista UNDIL nee ba STL liu husi telefone, Sesta (21/05/2021).

Hugo dehan, governu lakon moral no fiar, tanba nee mak nia reprezentante iha PN rasik koalia hanesan ema kakutak ulun laiha, bainhira povu hetan susar, sira presiza povu, kuandu atu eleisaun manan sira abandona povu, hatudu katak sira lakon ona moral.

“Povu hamlaha tanba governu nia hahalok liu husi politika SS no KO, governu rasik mak kria kondisaun ida nee, aat liu tan kuandu governu laiha kapasidade atu responde nesesidade ekonomia popular,” tenik nia.

Nia salienta, kuandu kampanha mak promete, bainhira sae ba ukun finji haluha tiha, importante mak ukun, povu mak hili sira, neebe ita kritika demais mos tanba ita mak beik hodi sira ba ukun, maibe sira mak manda, laos povu mak manda, demokrasia ita baku fila tiha hanesan meja PN katak, kualidade reprezentante povu hatudu kualidade eleitores sira.

Iha parte seluk antes Akademista UNTL Dekanu FSC, Camilo Ximenes Almeida hatete, relasiona SS no KO, povu agora komesa hamlaha ona no balun tenta atu pinor oan ba kost nain.

“Hau hanoin antes atu implementa SS no KO, governu iha planu ona atu oinsa bele suporta komunidade neebe mak menus aihan, tanba nee governu mos presiza ajuda lalais ba família sira neebe mak iha difikuldade atu hola hahan, klaru iha momentu balun karik ema ruma iha difikuldade kona ba aihan, governu presiza tulun,” nia hakotu.*

Reportajen: Blandina Mauno
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: