Akademista Husu Lider Labele Fo Sala Malu

Dekanu Fakuldade Siensia Sosiais UNTL, Camilio Ximenes Almeida. (Foto: STL/Jacinta Sequeira)

DILI, STLNEWS.co – Akademista Universidade Nasional Timor Lorosae (UNTL) Camilo Ximenes Almeida, husu ba lider politiku sira labele fo sala ba malu, maibe hamutuk rezolve preokupasaun povu nian atu nunee sira bele moris ho hakmatek.

Nia dehan, atu evita situasaun neebe iha diak liu membru Parlamentu Nasional sira buka oinsa bele rezolve problema nee, hodi povu bele hakmatek, sei sira buka hatun seluk no hasae ida neebe mak fo diak, ida nee susar atu solusiona problema.

“Ba hau nia perspektiva diak liu lider sira lalika fo sala ba malu, liu-liu partidus politikus sira neebe mak hetan assentu iha Parlamentares, sei ita tetu didiak entre lider ida ho ida seluk kuaze hanesan laiha ida mak diak ho ida seluk,” dehan Camilo ba STL, liu husi telefone, Tersa (23/03/2021).

Nia husu haluha tiha passadu hodi bele tau hanoin ba futuru, nomos haluha partidus hodi bele tau interesse nasaun nian. Hanesan saudozu Lasama koalia “Hau nia dignidade la boot liu dignidade nasaun nian.”

Nia tenik, tanba situasaun agora ema stress, Xanana halo atu halakon stress sosiedade nian, Parlamentu reprezenta povu tuir loloos husu ba governu fo ajuda lalais.

Tanba ema barak mak hamlaha nomos ema barak mak lakon sira nia servisu, no populasaun barak mak too agora seidauk simu sesta bazika inklui empreza barak mak taka, ida nee mak problema Parlamentu nian. Laos tau fali kestaun ba saida mak lider karismatiku halo.*

Reportajen: Blandina Mauno
Editor: Ekipa STL

LEAVE A REPLY

Please enter your comment!
Please enter your name here