Akademista Husu PNTL Rasik Tenke Prosesu Kazu Tuir Lei

DILI, STLNEWS.co – Akademista Universidade Dili (UNDIL), atual Vise Reitor III, Hugo Lourenco da Costa, husu PNTL rasik no PDHJ, tenke prosesu kazu membru oknum PNTL, neebe halo agresaun fiziku hasoru negosiante ka vendedores ambulante roda tolu iha Tasi Tolu tuir lei.

Nia hatete, kona ba oknum PNTL agregasaun fiziku hasoru negosiante faan nuu iha Tasi Tolu, nee aktu krime, neebe tenki prosesu tuir lei, tanba oknum PNTL nee hatudu hahalok hanesan selvajem no lamerese hatais atributu estadu nian, hodi halo krime, atributu nee sosa ho povu nia osan, parese oknum rua nee milisia karik. Tanba iha farda nee hakerek lei no ordem, serake buat rua nee oknum nee la komprende.

Nia dehan, ida tan maka komandante sira mos tenke fo formasaun no kapasitasaun ba membru, se lae PNTL nuudar instituisaun estadu, atu fo seguransa ba povu lakon tiha nia integridade, tanba hahalok oknum ida ka rua nian, maibe estraga imajen instituisaun nian.

“Hau husu ba entidade hotu-hotu atu kondena no hakribit aktu krime neebe halo husi membru PNTL, PDHJ no PNTL rasik tenki prosesu kazu nee tuir lei, tanba hahalok nee selvajem ka hanesan estraga intituisaun nian,” dehan Hugo ba STL, liu husi telefone, Kuarta (26/05/2021).

Antes nee Komandante Operasional Superintendente Xefe Pedro Belo hatete, membru PNTL neebe halo agregasaun fizika hasoru negosiante roda Tolu iha loron Domingu, tanba negosiante nee foti nuu talin ida tuda ba membru PNTL, hodi rezulta Membru PNTL ida oin nakukun.

Reportajen: Blandina Mauno
Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

Harii Federasaun Tenke Prepara Kondisaun

DILI, STLNEWS.co - Sekretariu Estadu Juventude No Desportu (SEJD), hatete harii federasaun tenke prepara mos kondisaun hanesan tenke iha atleta no treinador rasik. Lia hirak...

SEJD Enkontru Ho Lider Artemarsiais

DILI, STLNEWS.co - Sekretariu Estadu Juventude no Desportu (SEJD), halao enkontru ho lider artemarsiais sira iha Timor Leste, kona ba rekezitus artemarsiais nian neebe...

Lori Maromak Nia Domin Ba Ema Hotu

DILI, STLNEWS.co - Nuudar sarani neebe diak iha moris, tenke sai valeta ba ema hotu, atu lori Maromak nia grasa no domin ba maun...
%d bloggers like this: