Akontese Hana Malu, Luis: Konsidera Joven Uza Sala Doutrina Arte Marsiais

DILI, STLNEWS.co – Akontesimentu hana malu ho rama ambon iha tempu kalan neebe akontese iha Dili inklui munisipiu, tuir Deputadu Bankada KHUNTO, Luis Roberto konsidera joven sira neebe inklina an iha arte marsiais, uza sala doutrina arte marsiais hodi asaltu malu iha tempu kalan.

“Joven sira neebe inklina an iha arte marsiais dala barak sira uza sala arte marsiais nia doutrina, hodi asaltu malu kalan – kalan hamosu hana malu, no hein malu iha dalan ho lanu, hau husu ba lider arte marsiais sira hotu nian, atu fo hanoin neebe diak ba membru sira hodi bele evita violensia,” dehan nia ba jornalista sira iha Parlamentu Nasional, Segunda nee (15/11/2021).

Nia hatete, husu Polisia Nasional Timor Leste (PNTL) sira atu halo operasaun masimu iha 24 oras, hodi asegura estabilidade iha rai laran, liu – liu ba munisipiu sira neebe agora dadaun enfreta hela konflitu hanesan iha Baucau, Dili, Maliana no Suai inklui munisipiu sira seluk neebe juventude sira haree malu matan la moos.

Nia afirma, seguransa ho maneira atu halakon konflitu tenke koopera ho autoridade lokal sira, depois lider arte marsiais sira hotu atu nunee kria dialogu aberta ho joven sira, oinsa atu bele evita violensia iha rai laran.

Iha fatin hanesan, Deputadu Bankada CNRT, Aderito Hugo hatete, agora tama iha fim do ano baibain tama iha situasaun hanesan nee akontesimentu karakter krime nee aas.

“Entaun ho akontesimentu neebe iha Dili, ita husu ba parte seguransa PNTL atu aumenta ninia volume patrollamentu tenke 24 oras, para bele prevene aktus sira nee labele aumenta ninia frekuensia, entaun tenke halo imediata, labele hein akontese tiha maka halo,” dehan nia.

Nia tenik, tanba haree ba realidade kada fin do ano hanesan nee, iha kapital Dili nivel aktus kriminalidade nee aas.

Nia hatutan, Komando PNTL kuandu hatene ona situasaun tenke halo medidas prevensaun ho lalais i posivel agora kedas, para komunidade iha kapital Dili bele lao ho hakmatek.

(dom)

LEAVE A REPLY

Please enter your comment!
Please enter your name here

NEWS UPDATE

Xanana Fila Hikas Ona Mai TL Ho Batik

DILI, STLNEWS.co - Hafoin halao viajen ba Japaun ho Portugal, durante semana 3 hodi halao enkontru lubuk ida, no simu honorariu doctorate 2 husi...

Jornalista Iha Filipina Hetan Tiru, Suspeitu Sei Misteriu

DILI, STLNEWS.co – Jornalista ida mate hetan tiru iha Filipina loron Kuarta horiseik (08/12/2022), bazeia ba informasaun husi grupu advokasia fatin neeba. Nia mak Jesus...

Universidade Katolika TL Iha Lasu No Devosaun Boot

DILI, STLNEWS.co – Ohin governu no lider Igreja Katolika hamutuk ho Premeadu Nobel da Paz, Dr. Jose Ramos Horta halo inagurasaun abertura solene Universidade...