Akontesementu Meza PPN Rahun; MP Notifika Deputadu CNRT Nain 8

DILI, STLNEWS.co – Relasiona ho akontesementu meza Prezidente Parlamentu Nasional (PPN) rahun iha loron 18-19 Maiu 2020, Ministeriu Publiku (MP) fo ona karta notifikasaun ba deputadu bankada CNRT nain 8. Laos nee deit maibe MP mos notifika deputada CNRT Bisoi, tanba dehan halo deklarasaun kontra Sekretariu Jeral Partidu FRETILIN, Mari Alkatiri.

Informa Deputada Bankada CNRT Carmelita Moniz ba jornalista Tersa (15/06/2021), iha Parlamentu Nasional.

“Deputadu CNRT nain 8, simu notifikasaun husi Ministériu Publiku (MP) iha Kinta semana kotuk, kona ba akontesementu iha PN iha loron 18 too 19 Maiu 2020, iha notifikasaun MP bazeia ba keisa husi deputadu bankada governu hatoo keisa katak, deputadu CNRT momentu neeba halo perturbasaun ba ordem públika, depois akontesementu okupa tiha meza PN neebe ema hotu haree halao eleisaun la tuir funsionamentu normal,” katak Carmelita.

Tanba bankada CNRT hatama kontra okupasaun de poder tuir kodigu penal neebe iha, i hatama tanba haree hahalok neebe sira halo kontra hahu kedas iha konstituisaun Republika iha artigu 99 no 3, nunee mos rejimentu PN artigu 17 no 1, alinea B, inklui mos kodigu penal artigu 190, 195, 203 no 204. Maibe lahatene sira hetan ona notifikasaun ka seidauk.

Nia informa, sira nia kolega deputadu nain 6 simu notifikasaun iha Sesta, nunee ohin deputadu ida tan simu i hela deputadas ida seidauk simu, tanba sei iha foho. Entaun sira uza direitu ho legal dentru loron 5, respostas ba notifikasaun no haruka ona resposta.

Aleinde nee, Deputada Bisoi hetan notifikasaun nuudar CPN halo deklarasaun kontra Mari, maibe deputada nee mos inklui hotu iha notifikasaun deputadus nain 8, ba akontesementu 18-19 Maiu 2020, neebe deputada Bisoi hetan notifikasaun 2.

“Enkuantu ba deputadus nain 8 neebe atu ba hatan nee, ami hatoo ona direitu tuir lei ba MP, neebe husik ba saida mak MP atu halo, i neste momentu deputada sira sei lamarka prezensa iha investigasaun nee, tanba tuir lei neebe hatoo klaru. Neebe deputadus sira sei lamarka prezensa iha inkeritu ida nee,” tenik deputada CNRT nee.

Lejisladora nee hatete, notifikasaun husi MP mai, deputadus nain 8 nee nudar arguidu, maibe atu konstitui ema ida sai arguidu tenke liu uluk husi prosesu inkeritu. Tanba ema primeiru hanesan suspeitu, mak bolu nia ba iha prosesu mak ema nee sai hanesan arguidu kalae?, neebe iha prosesu nee investiga tiha lai, depois foin konstitui ema nee katak nudar arguidu. Neebe sira fo ona responde ba notifikasaun nee, i sira husu direitu nuudar lei haruka, neebe husu para orgaun judisial sira atu servisu ho profisional.

Tuir nia iha notifikasaun nee, arguidu mak deputadus nain 8 nee, no lezadu mak konstituisaun da repúblika. Maibe atu hatete katak, redasaun ba meza rahun nee laos deit bankada CNRT mesak, iha deputadus husi bankada sira seluk mos halo reasaun, ida nee mal faktus tanba media sira mos halo hela gravasaun ba akontesementu nee.

Nunee mos Deputadu Bankada PLP, nudar bankada Governu, Francisco Vasconcelos hatete, ida nee mak estadu direitu demokratiku, haree ba prosesu sira neebe akontese iha 2020 nee tanba mosu sirkunstansia politika, ka mudansa politika iha PN.

Akontesementu nee ema hotu hatene, i mundu hatene hotu-hotu autor ba mudansa V lejislatura, no fim iha duni notifikasaun husi tribunal, nee iha ema ruma mak keisa.

“Notifikasaun MP nian mai ona, nee lahalao ona intervensaun. Neebe ida nee mak refleta ba justisa. Enkuantu bankada Governu liu-liu PLP seidauk simu notifikasaun ruma husi MP, iha duni informasaun katak, Vice PN Angelina mak simu notifikasaun husi MP kona ba akontesementu kazu nee, neebe sira bankada hein deit karik bankada hetan sira prontu koopera,” informa Vasconcelos.

Nia dehan, normalmente deputadu sira, kuandu simu notifikasaun entaun bele husu PN atu hasai imunidade hodi ba hatan, maibe karik sira hakarak ba rasik hodi hatan nee mos komforme.*

Reportajen: Guilhermina Franco
Editor: Domingas Gomes

LEAVE A REPLY

Please enter your comment!
Please enter your name here

NEWS UPDATE

Covid-19 Update (29 Jullu 2021): Numeru Pozitivu Kontinua Aas Iha Ermera

DILI, STLNEWS.co - Loron Kinta (29/07/ 2021), Centru Integradu Gestão de Crises, Sala Situação (CIGC-SS / SS-SIJK) rejistu tan kazu konfirmadu pozitivu Covid-19 hamutuk...

Nobel da Paz Prepara Materia Ba Ezame

DILI, STLNEWS.co - Eskola Ensinu Sekundariu Nobel da Paz, prepara ona materia ba estudante sira, atu tuir ezame segundu periodu ano letivu 2021, neebe...

IFFS Reativa Aula Prezensial

DILI, STLNEWS.co - Reitor Instituto Filosofico Sao Francisco de Sales (IFFS), Pe. Manuel Pinto hatete, reativa aula prosesu aprendizajen, tanba lakon tempu barak ona...
%d bloggers like this: