AL Husu Governu, Festeza Loron 30 Agostu

DILI, STLNEWS.co – Autoridade lokal husu governu iha tinan 2022, atu festeza loron 30 fulan Agostu, tanba loron nee importante tebes, hodi determina Timor Leste ukun rasik an.

Lia hirak nee hato’o husi Xefe Suku Caicoli, Hipolito Marques Saramento katak, loron 30 fulan Agostu loron neebe importante, maibe Suku Caicoli mos laiha preparasaun ruma, tanba seidauk simu orientasaun husi governu.

“Hau sente kontente ho loron importante nee, maibe iha parte ida sente triste, tanba governu ladun tau importansia, tuir loloos aloka orsamentu ruma ba autoridade sira iha baze, hodi bele anima povu sira hodi festeza loron importante nee,” dehan nia ba STL iha knaar fatin, Caicoli, Kuarta (25/08/2021).

Nia dehan, loron importante 30 fulan Agostu nee sira la halo buat ida, tanba laiha orsamentu, maibe sira hanesan autoridade lokal orienta ona komunidade sira atu tuur hakmatek no dada bandeira iha uma oin, hodi komemora loron importante nee.

Autoridade lokal nee halo komparasaun, iha tinan 2020 ho 2021 ho loron importante nee halao hela, maibe halao la to’o iha baze, tanba nee husu governu atu aloka orsamentu ruma tinan oin 2022 nee atu bele festeza loron importante nee.

Iha fatin ketak Administrador Dom Aleixo, Tomas Barros haktuir, relasiona ho loron 30 fulan Agostu konsulta popular nee, sira seidauk simu orientasaun husi governu sentral.

Administrador nee hatete, sira fo deit orientasaun ba autoridade lokal, Xefe Suku no Xefe Aldeia sira atu fo avizu ba komunidade sira hodi hasae bandeira iha ida-idak nia uma.*

Reportajen: Santina Castro

Editor: Ekipa STL

LEAVE A REPLY

Please enter your comment!
Please enter your name here

NEWS UPDATE

KM Aprova Dekretu Lei Apoiu Nesesidade Baziku Ba Funsionariu Publiku

DILI , STLNEWS.co – Konsellu Ministru (KM) halao sorumutu iha Palasiu Governu aprova ona projetu dekretu-lei, atu kria subsidiu mensal ai-han nian ba funsionariu...

MAE Fo Pose Ba Prezidente Autoridade Munisipiu Dili

DILI, STLNEWS.co – Governu liu husi Ministeriu Administrasaun Estatal (MAE), fo pose ba Prezidente Autoridade Munisipiu Dili foun. Ministru Administrasaun Estatal (MAE) Miguel Pereira de...

Update Covid-19 TL 20 Setembru: Kazu Positivu 25, Rekuperadu 127 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu positivu iha ema nain 25, rekuperadu 127 no obitu nain 1. "Kazu detetadu foun neebe...
%d bloggers like this: