Alcina Kritika Asaun Governu

DILI, STLNEWS. co – Xefe Suku Kampung Alor, Alcina Carvalho dos Santos lamenta ho asaun governu ba komunidae neebe sai vitima ba inundasaun, tanba wainhira komunidade infrenta dezastre nee, laiha nai ulun ida mak tun ba ajuda povu iha tempu susar nian laran.

“Iha momentu dia 4, hau haree rasik, iha nee ema lao ladiak ona, ita nian inan aman sira lori sasan kele labarik, maibe ita nian seguransa sira hamriik nonton deit. Ida nee mak halo hau nian fuan moras ate agora,” dehan Alcina ba STL iha nia knaar fatin, Kampung Alor, Dili, Tersa (11/05/2021).

Autoridade lokal nee sente la justu, tanba Timor nee iha inan aman, no iha nai ulun neebe ukun rai ida nee, maibe nusa mak momentu bee sae too ema nian kakorok talin, deputadu sira mai sei dehan sira so bele haree deit.

“Hau dehan imi nian laran la moras, se karik Timor oan ida mak bee lori, nee signifika o nia inan, o nia aman, no o nian maun alin mak nee, laos ema seluk,” tenik nia.

Nia dehan, kadeira ukun nian neebe lideransa sira tuur ba mai husi votus povu nian, tanba nee lamerese hasai lia fuan balun hodi hakanek povu nian fuan. *

Reportajen: Efizenia da Costa
Editora: Domingas Gomes

LEAVE A REPLY

Please enter your comment!
Please enter your name here

NEWS UPDATE

Update Covid-19 TL 21 Setembru: Kazu Pozitivu 67 & Rekuperadu 318

DILI, STLNEWS.co – Sentru Integradu Jestaun Krize (SIJK) ohin relata kazu pozitivu iha ema nain 67 no kazu rekuperadu hamutuk 318. "Kazu detetadu foun neebe relata...

Sai PR Labele Halo Terus Povu

DILI, STLNEWS.co – Tuir lian Komunidade Agostina Soares katak, se mak atu kandidata an ba Prezidente Republika ba tinan 2022-2027, labele halo terus tan povu...

Fundasaun Codiva Haklean Konesementu LGBTI Ba Autoridade Lokal

DILI, STLNEWS.co – Fundasaun Codiva haklean informasaun no konesementu konaba asuntu Lesbian Gay Bisexual Trans Intersex (LGBTI) ba autoridade lokal. Haktuir Diretora Ezekutiva Fundasaun Codiva...
%d bloggers like this: