Aldeia Halibur Sidadaun 342 Simu Nesesidade Bazika

DILI, STLNEWS.co – Relasiona ho inundasaun neebe akontese iha loron 4 fulan Abril tinan 2021, komunidade Aldeia Halibur sidadaun 342, simu apoiu nesesidade baziku hanesan fos, mina, supermi, no sasan sira seluk.

“Ami halo distribuisaun ba komunidade sira neebe mak afeta ba inundasaun iha loron 4 fulan abril foin dadauk nee, ba iha Aldeia Halibur. Total komunidade sira neebe mak afeta inundasaun hamutuk 342 familias,” dehan Xefe Suku Motael Luis Antonio C. G. Veigas, ba STL iha knaar fatin Motael Kuarta (25/08/2021).

Nia hatutan, ajuda nee mai husi governu liu husi Protesaun Sivil nian, maibe sira koopera ho parseiru hanesan ONG sira mak apoiu ba iha Aldeia Halibur nian.

Nia relata, sasan sira neebe simu ajuda dadauk total hamutuk 32 item hanesan foos, mina, supermi no sasan sira seluk.

Ho situasaun pandemia Covid-19, sira mak halo prevensaun hanesan uza maskra, fase liman bei-beik ho sabaun no distansia sosial.

“Dadus ida nee ami foti iha loron 6/7 fulan Abril, depois submete ba iha ministeriu relevante hanesan ba iha Sekretariadu Protesaun Sivil, neebe sira rasik koopera ho ONG sira mak halo distribuisaun agora dadaun nee,” tenik nia.

Nia afirma, sira sente orgullu teb-tebes, tanba pozisaun agora kuaze inundasaun neebe hetan apoiu nee, ONG kompara ho parte Ministeriu Protesaun Sivil diferensia boot.

Komunidade agora dadaun sira simu husi Aldeia Halibur no aldeia sira seluk simu hotu ona. Maibe 75% simu hotu ona ajuda emerjensia.

Nia akresenta, Suku Motael kompostu husi aldeia lima hanesan, Aldeia Bee Dalan 122, Gura 221, Boamorena 230, Halibur 297 no Halibur 342 familias neebe hetan afetadu ba inundasaun nian.

Entretantu komunidade Fatima Perreira hatete, nuudar sidadaun Timoroan sente kontente ho governu neebe fo tulun ba sira i agradese no obrigado ba sasan sira neebe mak fo hanesan supermin, foos, biti no sasan sira seluk iha uma laran.*

Reportajen: Blandina Mauno/Joaninha Belo

Editora: Ekipa STL

LEAVE A REPLY

Please enter your comment!
Please enter your name here

NEWS UPDATE

KM Aprova Dekretu Lei Apoiu Nesesidade Baziku Ba Funsionariu Publiku

DILI , STLNEWS.co – Konsellu Ministru (KM) halao sorumutu iha Palasiu Governu aprova ona projetu dekretu-lei, atu kria subsidiu mensal ai-han nian ba funsionariu...

MAE Fo Pose Ba Prezidente Autoridade Munisipiu Dili

DILI, STLNEWS.co – Governu liu husi Ministeriu Administrasaun Estatal (MAE), fo pose ba Prezidente Autoridade Munisipiu Dili foun. Ministru Administrasaun Estatal (MAE) Miguel Pereira de...

Update Covid-19 TL 20 Setembru: Kazu Positivu 25, Rekuperadu 127 & Obitu 1

DILI, STLNEWS.co – Sentru Integradu Jestaun Krize (SIJK) ohin relata kazu positivu iha ema nain 25, rekuperadu 127 no obitu nain 1. "Kazu detetadu foun neebe...
%d bloggers like this: