Alkatiri: Hau La Presiza Horta, Hau Hakarak Hamutuk Ho Xanana

DILI, STLNEWS.co – Relasiona ho programa politiku Kandidatu Prezidente Republika, Jose Ramos Horta nian katak, wainhira nia eleitu ba Prezidente Republika sei disolve Parlamentu Nasional hodi forma governu foun, Sekretariu Jeral Partidu FRETILIN, Mari Alkatiri hatete, nia la presiza hamutuk ho Jose Ramos Horta, nia hakarak koalia ho Xanana Gusmão.

“Hau la presiza horta, hau hakarak hamutuk ho Xanana, ami rua mak koalia,” dehan Alkatiri wainhia remata ezerse nia direitu de votu iha SD Farol, Dili, Tersa nee (19/04/2022).

Eis Primeiru Ministru iha governu da-1 ho da-7 nee mos fiar katak, Xanana Gusmão sei resposta karta neebe nia haruka iha loron hirak liu ba.

“Hau fiar sei hetan, tanba foin loron hira nee nia sei preokupa ho servisu ba kampanha, hau mos preokupa servisu ba kampanha, portantu ami la kontaktu,” dehan nia.

Antes nee Sekretariu Jeral Partidu FRETILIN, Mari Alkatiri deklara ona iha kampanha katak, iha loron 16 sei haruka karta ba lider karismatiku Kayrala Xanana Gusmão hodi halo dialogu, atu halo balansu ba dezenvolvimentu iha rai laran. No daudaun nee karta neebe dirije husi Sekretariu Jeral FRETILIN, Mari Alkatiri seidauk hetan resposta husi Xanana Gusmão.

(san/eme)

LEAVE A REPLY

Please enter your comment!
Please enter your name here

NEWS UPDATE

Numeru Konflitu Tuun Makaas Dezde Governu Desidi Reativa Atividade Arte Marsiais & Arte Ritual

DILI, STLNEWS.co - Primeiru Ministru (PM) Taur Matan Ruak hateten, dezde governu desidi reativa atividade Grupu Arte Marsiais no Arte Ritual, numeru konflitu iha...

Taur Apresia Esforsu SEJD-KRAM Reativa Atividade Arte Marsiais & Arte Ritual

DILI, STLNEWS.co - Primeiru Ministru (PM) Taur Matan Ruak agradese esforsu Sekretariu Estadu Juventude no Desportu (SEJD) no Prezidente Komisaun Reguladora Arte Marsias (KRAM ), neebe...

Sasin La Iha Konhesimentu Kazu Konstrusaun Armajen Foos

DILI, STLNEWS.co - Kazu konstrusaun armajen foos, Tribunal Distrital Dili kontinua rona sasin. Tanba nee, iha julgamentu kontinuasaun nee, tribunal rona sasin ho inisial MC neebe...